تعرف على التفاصيل الكاملة لمرض الفنانة ياسمين عبد العزيز بداية من إجراء جراحة دقيقة حتى الغيبوبة
أعلن الفنان أحمد العوضي زوج الفنان ياسمين عبد العزيز عن إجراء الاخيرة عملية دقيقة وطلب من الجميع الدعاء لها، وبالفعل قام جميع الفنانين والنجوم الفن بالدعاء لها بالشفاء العاجل.
أعلن الفنان أحمد العوضي عن الحالة الصحية لياسمين عبد العزيز
نشر أحمد العوضي منشور على صفحته الشخصية بمواقع التواصل الاجتماعي “الفيسبوك”: “الرجاء الدعاء بظهر الغيب لزوجتي وحييبتي ياسمين.. هي في العمليات ومحتاجه دعواتكم.. اللهم إنك أنت الشافي المعافي بقدرتك على كل شيء.. اللهم ارفع عنها البلاء والوباء واشفيها وعافيها”.
منشور آخر للفنان أحمد العوضي متمنيًا الشفاء لزوجته
وفي منشور أخر له قام العوضي بالدعاء لزوجته ياسمين عبد العزيز قائلًا: “يمكن ببان قدامكم دايما قوي.. لكن الحقيقة أنا دلوقتي أضعف إنسان على وجه الأرض، عشان أنا روحي مش معايا.. أنا ضعيف جدًا من غيرك انتي لازم تبقي كويسة ولازم تقومي بالسلامة.. أنا لأول مرة أكتب من غير ما أكون مفكر أنا بكتب إيه وهكتب إيه.. بس انتي هتقومي إن شاء الله بإذن الله عشان أنتي وعداني وعد وهتنفذيه”.
وأكمل: “أنا عاوزك تبقي كويسة وتقومي عشان أقولك إني لو كنت ببينلك إني بحبك مرة فالحقيقي واللي جوايا إني بحبك ألف مرة.. وأنا دلوقتي مش قوي زي ما انتي بتشوفيني أنا دلوقتي ضعيف ضعيف جدًا.. لحد ما تقوميلي تاني عشان زي ما انتي بتاخدي قوتك مني أنا كمان باخد قوتي منك”.
واختتم العوضي حديثه قائلًا: “قومي عشان أنا بحبك.. بحبك أكتر بكتيير من كل الكلام اللي أنا كتبته.. أكتر بكتير من كل اللي عدينا بيه مع بعض، من أيام حلوة ومواقف صعبة مرت علينا.. أكتر بكتير حتى من الموقف اللي إحنا فيه دلوقتي.. أنا بحبك.. ادعولها تقوم بالسلامة زي ما انتو دايما بتدعولها بالنجاح والتوفيق.. هي دلوقتي محتاجه دعواتكم”.
وائل عبد العزيز شقيق الفنان ياسمين عبد العزيز
وقام الفنان وائل عبد العزيز شقيق ياسمين بالتأكيد على تدهور حالتها الصحية وطلب من جمهورها الدعاء لها وقال: ““صباح الخير، أنا كل اللي هقدر أقوله دلوقتي ادعوا لياسمين حالتها خطرة”.
ياسمين عبد العزيز أفاقت ياسمين عبد العزيز من الغيبوبة
كشف الإعلامي سيد علي، من خلال برنامجه “حضرة المواطن”: عن أهم تطورات الحالة الصحية للفنانة ياسمين عبد العزيز، بعد خضوعها لعملية جراحية، قائلًا: “ياسمين كان عندها مشكلة في الرحم، وكانت تتابع مع دكتور كويس أوي، وكانت في مستشفى كويس، ولكن وهي بتعمل المنظار حصل مشكلة في القولون، لأنه فيه فضلات وكده بتدخل في المعدة، فحصلها مشكلة، وقعدت في غرفة العمليات كتير جدًا”.
وأضاف: “ياسمين عبد العزيز الآن في اللحظة التي أحدثكم فيها فاقت من الغيبوبة، وإن شاء الله هتخرج وهتبقى زي الفل، وألف سلامة يا فنانة يا جميلة، والأخطاء الطبية واردة في كل مكان في الدنيا، ولكن العملية زادت أوي الصراحة، اللي مش عارف يستخدم المنظار نقوله إيه؟”.
نجوم الفنان يدعون بالشفاء للفنانة ياسمين عبد العزيز
حرص جميع نجوم الفن في هذه الايام المباركة بالدعاء للفنانة ياسمين عبد العزيز بالشفاء العاجل، ومن أهم هؤلاء النجوم: ” الفنان أحمد حلمي، الفنانة منى زكي، أحمد السقا، صلاح عبد الله، كريم فهمي، شهيرة، سوسن بدر، شيريهان، خالد الصاوي، حلا شيحة، بدرية طلبة.. وغيرهم”.
