ماما بالكفالة
بحكيلكم عن وحدة التحدي بيحكي عنها: كنت البنت الوحيدة لأمي وأبويا عندي بس أخ واحد. كان عندي حلم إني ابقى أم، أجيب طفل يكون ابني واخويا وصحبي يعوضني الوحده لي كنت عايشاها كبنت وحيدة لأهلها. تجوزت وربنا ما أردش فقررت إني أكفل طفل . واخترت يحيى أجمل طفل فالدنيا وبقت مامت يحي وأم يحيى … ومشيت مشوار كفالة يحيى لوحدي وأنا مطلقة ويتيمة بعد وفاة أمي وأبويا. مكنش ليا حد ولا معين الا ربنا. وواجهنا أنا ويحيى ابني الدنيا لوحدنا واتحدانا اسئلة كثير وانتقادات ملهاش أول وآخر: انت حتكفلي طفل لوحدك، مفيش حد حيرضى يتجوزك ثاني ، انت زاي تكفلي طفل ويقولوا عنك سينغل مام …. ومع كل ده جات علينا كورونا كمان ومكانش في حضانات فاستقلت من شغلي علشان يحيى، مع أنه انا وهو كنا محتاجين جدا للشغل ده، بس كتفينا بمعاش أهلي الصغير عشان نعرف نبقى مع بعض ..أنا مش ندمانه على أي شيء بعمله عشان يحيى ولو رجع بيا الزمان بردو حختار يحيى . وجود يحيى في حياتي عملي معجزات، وجوده نعمة كبيرة وبركة في بيتي. ده مش كده وبس أنا ويحيى قدرنا عن طريق تجربتنا لي بعتبرها فر يدة، نساعد أمهات ثانية كثير تتشجع وتاخد خطوة، تكفل طفل عن طريق مؤسسة “يلا كفالة” لي أنا بشتغل فيها حاليا. قصتي أنا وابني يحي التحدي بيحكي.
