بعد اختفاء 15 يوم: هادية غالب تعود.. “بعاني من مشكلة في صحتي العقلية”

بعد غياب دام لمدة 15 يوم عادت البلوجر هادية غالب مرة أخرى من خلال فيديو تم نشره على خاصية “IGTV Video” على صفحتها الشخصية بموقع الانستجرام تسرد من خلاله تفاصيل اختفائها طوال هذه الفترة الغير معتادة.

كانت الحالة النفسية لهادية غير مستقرة الفترة الماضية، وهذا ما جعلها تخرج بفيديو تشرح سبب سوء حالتها وهي متأثرة وباكية على وضعها النفسي والعقلي.

قالت هادية: “أنا عارفة بقالي 15 يوم ويمكن أكثر مش متواجدة  معاكم على السوشيال ميديا ومختفية، على قد ما أنا كان نفسي أقول معلش أنا كنت في أجازة ولكن بصراحة هذا واجبي لإخباركم وكما عوّدتكم أن أشارككم الحاجات الحلوة لازم أورّيكم الحاجات اللى مش حلوة” 

واستكملت: “أنا بقالي فترة بعاني من مشكلة في صحتي العقلية، وخلال الـ 7 سنين اللي فاتوا ضغطت على نفسي جدًا، بسبب تعرضي لكمية كبيرة من التنمر المستمر، وده سبب مشكلة لدرجة ان الموضوع كبر جوايا وبدأ ينفجر”

 

View this post on Instagram

 

A post shared by Hadia Ghaleb (@hadiaghaleb)

أردفت: “وسبب ابتعادي الفترة اللي فاتت أني كنت بحاول اخد بالي من صحتي العقلية والنفسية والجسدية، لدرجة أني لأول مرة مو ساعة دخولي عالم السوشيال ميديا في 2013، اخد خطوة اني امسح كل تطبيقات الانستجرام والتيك توك، من تليفوني، كنت بحاول أخد اجازة حقيقة من غير موبايل، وده كان أحسن قرار اخدته في حياتي”

واستكملت هادية متأثرة وباكية: “لولا أني مضطرة أرجع ماكنتش رجعت دلوقتي، لأن أهم حاجة هي صحة الإنسان، وخصوصًا صحته العقلية، اللي ديما بتتأثر بسبب علاقتنا مع الاخرين، وانا كنت بحاول طول السنين اللي فاتت دي اني استحمل وضغط على نفسي جدا لدرجة أني انفجرت”.

 

شاركي من هنا

مقالات ذات صلة