بطلة حياتي

في ٢٠١٥ تعرضت لحادث سير انا وزوجي وتوفي وكنت ساعتها ٢٥ سنه ، تعرضت لإصابات شديدة وعمليات تركيب شرائح ومسامير نخاعية في كل من الساقين والفخذ الشمال تم دخولي عناية مركزة لمدة ١٥ يوم وعملت أول عملية استمرت ٨ ساعات وبعد سنة ونص قمت بعمل عملية اخري ولكن كانت هناك الصدمة ركبتي الشمال تحتاج تغير مفصل وأصبحت عندي إعاقة بنسبة ٢٥٪ بتقدير الطب الشرعي بعدها قررت أني ربنا اداني حياة تانية علشان أحقق رسالة معينة وفضلت اسعي وادور اشتغلت كذا شغلانة بس مكنش شغفي لحد ما قررت افتح البيزنس الخاص بيا وفتحت اول coworking space في بورسعيد وبعدها حققت حلمي التاني وكتبت اول قصة قصيرة ونزلت في معرض الكتاب بس جت ظروف الكورونا وقفلت مشروعي  أحبطت لفترة كبيرة ولكن ربنا أراد اني اكمل تاني بس ف مكان مكنش عاجبني وتشاء الظروف أن صاحب المكان الجديد عايزه وافضل ادور بالشهور علشان الاقي مكان تاني وارجع افتح مشروعي والمرة دي كل حاجة فيه عملتها بايدي الدهانات والديكورات وحتي التنضيف وبحاول أوسع وأكبر شغلي وحلمي أن اعمل اكتر من فرع ف مصر وكمان دلوقتي بدأت في ورشة الرواية علشان قريب تنزل أول رواية ليا  قصتي ألهمتني أن نجاحك هيطلع من وجهك وابتلاءك