حلمي وواثقة أنه هيتحقق كوني معلمة طفلك الأولى
قبل مااكتب اي كلمة تحية من كل قلبي على اجمل مبادرة غيرت حياتي جعله الله في ميزان حسناتكم جميعا وتحية من قلبي للأستاذة انجي الصبان
انا بسمة عبد الجليل فرو
معلمة رياض أطفال من فائزات الموسم الاول عمري ماكنت اتخيل اني اكتب تاني حتى ايدي تهتز كثيراً لما اكتبه الآن ولا أستطيع أن أحبس دموعي ولكن جوايا احساس غريب بيقولي امسكي في حلمك اكتر من كده وخصوصا بعد موت بابا من 3شهور وضهري اللي انكسر واحساسي أن أكبر حيطة كانت في حياتي اتهدت فجأة وخصوصا اني بنت وحيدة وسط اخواتي والأب عمر ناخد يقدر يملأ مكانه في حياة اي بنت ونفسي اردربع جمايله عليا بصدقة علم جارية واخلد اسمه بدعوات كل أم هتستفيد من كل كلمة كتبتها بكل حب وعناية لها وحقيقي المبادرة دي فتحت ضوء منور كبير في كل واحدة فينا زرعت أمل كبير جوانا أن حد يسمعك يقدرك وحقيقي فوزي في الموسم الأول دعمني نفسيا كتير وكان يوم الحفل كاني في حلم جميل إلا أن شعرت ببعض الالم اني لسه حلمي مكملش وسمعت الأستاذة الجميلة اللي بجد مثل أعلى ليا الأستاذة انجي الصبان وكل مرة كنت يكلمها كانت بتسعدني قد ايه هيا بسيطة ومتميزة وخلوقة ومبدعة سمعتها بتقول أن الموسم التاني فيه إضافات جديدة واي حد عنده حلم يحتاج دعم مادي الموسم ده في امل أنه هيتحقق وقد ايه فرحت وقولت ليه لأ حاولي تاني انا حلمي أن كل أم تكون معلمة طفلها الاولى وكتبت كتاب في أهم خطوات التأسيس للأطفال طرق شرح رائعة بخطوات بسيطة من اول كتابة الحروف والارقام إلى قراءة بطلاقة وتميز معاها في كل خطوة انا ربنا وحده يعلم كم التعب اللي مريت بيه عشان اكتب 1200صفحة يدويا ولخصتهم ل600صفحة مقسمة ل4اقسام عربي وانجلش ورياضيات وكمان قسم نفسي لسعادة كل أم والطفل واكلات صحية طرق تربية سحرية ازاي تجعلي طفلك عبقري والعاب تنمية مهارات وحاجات كتير كتبت بدافع النفع والحب وخبرة في هذا المجال وتجربتي الشخصية اللي غيرت مسار حياتي بسبب كلمات ابني لي
بس للاسف لم استطع أن أخرج كتابي للنور لان العائق الوحيد أنه لازم يكون مكتوب pdf والتكلفة مش هقدر عليها حاولت اكتبه بنفسي إلا أن معاناتي مع نظري الضعيف كل مرة كانت بتمنعني ومكتبتش غير 40صفحة بس وكل مرة اكتب فيها اعاني من آلام مبرحة في عيني وورم واحمرار وأشياء أخرى لا داعي لذكرها والدكتور قالي عينك مش هتستحمل النظر فترات طويلة لشاشة الكمبيوتر وحسين أن حلمي ضاع وقلت خلاص مفيش نصيب بس اتمسحت من جديد بحلمي اول ما سمعت الموسم التاني أنه بدء وطورت كتابي اكتر وبحاول اساعد أمهات كتير من خلال قناتي على يوتيوب التي تحمل نفس اسم كتابي كوني معلمة طفلك الأولى وبدي كورسات خاصة بمقابل مادي ولغير القادرين مجانا نفسي اقدر اساعد كل أم حلمي اني اعمل ماجيستير ودكتوراه في محال رياض الأطفال اللي بحبه جداااا مش عارفة ازاي ده ممكن يحصل ولكن ليس هناك شيء مستحيلاً نفسي حد يآمن بحلمي ويحول كتابي pdf ويطبع منه نسخ كتير جدااا بأسعار مدعمة الكتاب ده حقيقي هيكون ملهم لكل أم ومهم وده كنت يشوفه وبسمعه من اصدقائي لما كانو بيشوفوه وبيقولولي ياريت يكون معانا كتاب زي ده نفسي أساهم في نشر علم نفسي تسبب اثرقبل ماافارق الحياة نفسي عمري مايروحش هدر وتذكروني بالخير لما ساهم به كتابي اللي واثقة أنه هيساعد كل أم وطفلها اتمنى يكون ليا فرصة حقيقية لتحقيق حلمي اللي منكرش اني عمري ماهيأس ابدااا تاني لغاية مايتحقق وطالما عندي حلم اكيد هيتحقق ومش هبطل اكتب ليكوا لغاية ما حققه شكرا من قلبي للمبادرات دي اللي شرف ليا اني كنت جزء منها ومن كتر حبي فيها ابني بيقولي هوليه مفيش مسابقة اسمها واحد جديد انا عايز اشترك بعد ماشافت قداسه أنها فرقت في حياتي اتمنى أن أفوز ويتحقق حلمي يااجمل شيء حصل في حياتي
