اولادي اولاً
انا كنت متجوزه صغيره اوي عندي 18 سنه جوزي اتوفى وانا عندي 27 سنه دلوقتي متوفي بقاله ٢٥ سنه وكان معايا تلات أطفال الكبير في تالته ابتدائي والصغيره اربع سنين
وانا مكنتش عندي اي خبره فالحياه ولاشغل وبعدها بقيت اتعب والف واحاول افهم شغل جوزي ومسكت الشغل وكان صعب اوي بس استحملت علشان ولادي محدش وقف جنبي خالص غير ربنا اخوات جوزي مكانوش حتى بيسألوا محتاجين حاجة ولا اي سؤال واتعرض عليا كتير الجواز بس مرضتش عشان محدش غريب يدخل على ولادي واكون ملك ليهم هما بس كل دنيتي
بس بفضل ربنا كرمنا اخر كرم ووسع رزقنا دلوقتي ولادي ابني الكبير مهندس وبنت خريجه آداب اجتماع والصغيره بقت مدرسة أنجلش ادعولي ربنا يفرحني بيهم
