اليقين بالله وقضاء الله

انا دكتوره جامعيه عندي الان ٥٠ سنه تزوجت وانا عندي ٢٢ سنه زواج دام ٣ سنوات فقط وانجبت ولد وبنت كان زوج عديم المسؤليه والرحمه بخيل عايزني ليل ونهار اشتغل له ولاهله وياخد فلوسي واخدم اهله غير الضرب والإهانة ولما رفضت طلقني ورماني باولادي كفاحت وعشت لهم ورفضت الجواز كان عمر أولادي صغير الولد سنتين والبنت ٣ شهور لما طلقني ورفض يصرف عليهم أو يساعدهم… انا صمدت وربيت ولادي لكن أراده ربنا فوق كل شئ وتوفي ابني في حادث سياره وهو كان عمره ٩ سنين بعدها أصيبت بصدمه كبيره وانهارت كنت بحب ابني اوي كنت بشوفه اخوي وابوي وأهلي… بعدها سافرت السعودية واخدت بنتي معايه وكافحت بالدنيا هناك والغربة كانت صعبه اوي واصبرت بالله وبقيت اقول يا رب اربط على قلبي لكن للأسف هناك المصريين العاملين بقم يغيروا مني ومن شغلي لان استاذه شاطره اوي والطلاب بيحبوني لان كنت حطه كل همي بالشغل علشان انسى للي حصلي ودي بقه مضايق المصريين ويغيروا مني فسلطوا عليه العميده بالكليه لان كنت أعمل بجامعه طيبه بالمدينه المنوره وانهوا عقدي ونزلت مصر مكسوره مقهوره بدل ما اتكرم أنهوا عقدي وانا ما كنت عايزه انزل مصر… نزلت وبنتي دخلت كليه الصيدله ولسه هرتاح أصيبت بسرطان الثدي منذ عام ودخلت نفق مظلم كيماوي وعمليه واشعاع وانا الان بقاوم واحارب اد ايه المرض صعب وقاسي والألم رهيب .. الحمد لله هو قضاء الله وانا رضيه بس انا بحارب علشان بنتي خايفه اسيبها لوحدها بالدنيا كان نفسي اعيش وجوزها واطمن عليها خصوصا اني مطلقه من ٢٥ سنه ولا مره ابوها سأل عليها ولا بيصرف عليها ولا يعرف شكلها ولا يعرفها .. الحمد لله

شاركي من هنا

مقالات ذات صلة