اختاري صحبتك بعنايه
_الله حلو الدريس ده اوي
=لا مش حلو ذوقك مش لطيف علي فكره
“بصيتلها بإستغراب مش اول مره تعملها معايا وتكسر بخاطري كده مع ان عمري في حياتي ما عاملتها وحش.! ”
_اذيك يا سمر عامله ايه؟!
=كويسه.. كنتي بتتصلي ليه!؟
_احم كنت نازله اجيب حاجات للخطوبه بتاعتي اللي المفروض كمان يومين وكنت عوزاكي معايا
=ايه ده يا بنتي هو انا فاضيه للمشاوير التافهه بتاعتك دي باي دلوقتي بعمل حاجات مهمه
“مشاوير تافهه! ازاي كنت مخدوعه كده بجد؟..”
_الو يا زياد عامل ايه
=بقولك ايه يا بنت الحلال انتي من طريق وانا من طريق وكل واحد يشوف حاله كفايه اللي عرفته عنك وبجد انا مُمتن لصاحبتك اللي بينتلي ده كله وحكاتلي عليكي وعلي بلاويكي والولاد اللي كنتي بتكلميهم
_بلاوي ايه! وطريق ايه؟! و ولاد ايه؟! انا مش فاهمه حاجه
=لا انتي فاهمه كل حاجه كويس جدًا ربما يسهلك ويعوضك بالاحسن يا بنت الناس
“ازاي ده يحصل!! ازاي دي بكره خطوبتنا؟! وكمان انا معملتش حاجه ازاي صاحبتي تقول عليا كلام معملتوش؟! لييه انا عملتلها ايه لكل ده!! دخلتها بيتي واكلت وشربت معايا بجد حسبي الله ونعم الوكيل في الظالم.”
بنرجع ونقول ياريت نختار صحباتنا بعنايه جدا مش اي حد يكون صحبتك اختاري اهلها قبل ما تختاريها هي اعرفي ايه جواها وايه تعاملها احذري من اللي تيجي تتكلم معاكي علي واحده تانيه لان في يوم من الايام هتلاقيها بتتكلم عليكي انتي مع اي حد تاني اختاري الصاحبه اللي تشبهك في التربيه و الاخلاق علشان مهما كان ف الصاحب الصالح بيسحبك للطريق الصالح والفاسد مفيش منه رجا ولا هتصلحي منه بالعكس ممكن يأثر عليكي وتسحبك للطريق اللي هي فيه ايًا كان ايه مدي فساده.!
༺༻༺༻༺༻༺༻༺༻༺༻༺༻༺༻
|رنا محمد
