ماسحة احذية

اسمي مسعدة عمري 55 سنة اشتغلت 35 سنة في مجال رجالي شوية وهو ماسحة احذية بدل جوزي اللي امتهن الشغلانة دي طول عمره و لكن ربنا اراد فقد بصره عشان اعيله هو و اطفالنا.

اتجوزت و انا عندي 16 سنة و و كان هو اكبر مني ب 10 سنين اول ما تزوجت قعدت فيتنا كذا سنة بس قررت انزل و اشوف هو بيشتغل ازاي وربنا اراد اني اكمل المهنة بدله في بلد صغيرة في الشرقية.

عرفت منه اسرار المهنة و ازاي احول الزمة و هي متربة لواحدة جديدة كأنها لسا مشتريها.

بصحي الساعة 6 و نص صباحاً عشان احضر الفطار و الغدا لأولادي ال 4 قبل منزل لأن يومي كله في الشارع لحد اذان العشا بروح و الم الفرش و مواد التلميع و برجع للبيت

المنطة بقت عارفة ان ده مكاني يومياً بجانب المسجد لو غبت يوم أو اتأخرت دقائق ألاقى السؤال عليا من الكل الحمدلله معاش زوجي مبيعديش 250 جنيها شهريا، بيكفى فواتير الكهربا والمياه، زوجى أحن الناس عليا حتى وهو فاقد بصره، لأنى عشت معاه أكتر ما عشت فى بيت أبويا، وطول ما فيا صحة هفضل معاه وسنده لحد ما أموت، وعمرى ما هتأخر عليه فى أى شىء، لأنه هو عمره ما أتأخر عليا فى شىء
الحمدلله ربنا رزقني و فتحنا محل صغير في قريتنا قادرين نعيش بيه و نجيب علاجنا و نعيش بيه اولادنا و نزوجهم