ستات اد التحدى
مساء الخير أو صباح الخير على حسب ما بتشوفوا الرساله
تسمحولى احكيلكم قصه كفاحنا
مبدأيا كدة احنا بدأنا شغلنا ف مجال صعب على راجل ف مابالكم بقي هيبقي ايه على ست؟!
..اول حاجه بدأت (مرفت) و(مني) اخوات
ف انهم يخيطو ستائر العرائس وشغل الهاند ميد والتطريز
بعدها ب سنه بدأت مرفت تنفذ فكره كرسي كابتونية عجبها وطلع حلو جدا بدأت تكتشف الموهبة وانها فعلا موهوبه وتطور من موهبتها ..جيت انا(سحر) اقترحت عليها اننا نتفرج على فديوهات اكتر ونبتكر اكتر ونعمل بيدج ننزل شغلنا عشان الناس تعرفنا ..فكرنا نجرب تغير شكل الموبيليا وبدأنا بحاجتي( على أساس لو باظت منضربوش)طلعنا بنتيجه مبهره نزلنا شغلنا والناس اتفاعلت جدا خصوصا اد دة اول مشروع ينجح بين مرات ابن وحماتها
بدأت الناس تعرفنا
بس كنا بنيجي عند نقطه ويخافوا
هي (ستااااات)
ايه دة ازاى ستات؟؟
مش صعب عليكم؟
طب الراجل بيعرف يشد اكتر القماش عشان صحته اكبر قدرة عن الست
بدأنا نقنع الناس أن احنا ب ميت راجل خصوصا اننا حافظين وفاهمين ميول الستات وزوقهم وعايزين الشغل ازاى
بدأنا من سنه ونص كانت البيدج ١٠٠ شخص
انتقادات كتير ف اننا اازاي يعني ست وتقف تعمل صنفرة ومعجون وترش دوكو وتنجد كراسي
مع الوقت بدأنا تتعرف والناس تعرفنا بدأنا نوح محافظات
بدأنا تنفذ الشغل في البيت عند العميل عشان نوفر عليها نزول العفش وتكلفه النقل والمواصلات وبما أننا ستات ف كلمه ستات بقي ليها ميزة عندهم ( أنهم بيقعدو معانا وازواجهم فالشغل عادي مفيش مشكله مش لازم حضور الزوج وتفرغه من عمله )ودي حاجه كانت مفرحه الرجاله اكتر
فضلنا نحارب مجمتع بيؤمن أن الراجل اقوي من الست وان الست ضعيفه ومفيش حاجه اسمها مسواه فالشغل ما صفحتنا بقت 30 الف متابع ودة كان رقم قياسي لينا طبعا واثبتنا دة ب شغلنا ادعولنا نفتح معرض موبيليا
حقيقي انا فخورة بشغلنا
نفسي بجد تدعمونا ونطلع معاكم وتدونا طاقه ايجاييه
