بنت ابوها
اول مره مسكت فيها المايك وغنيت كان عمرى 7سنين كنت بغني بالعربي والانجليزى والفرنساوى وكنت من اوائل الاداره والمدرسه ؛بعد ما خلصت مرحله الاعدادى اشتغلت في محل نباتات طبيه وعطريه خلال شهر رمضان لمده14 ساعه يوميا وبعد كده اشتغلت في مجال السياحه وحجز الرحلات وبعدين حكم عليا مجموع الثانويه العامه ادخل كليه الزراعه وشاركت بمسرح الجامعه فقط خلال اول سنه واتخرجت من الكليه بتقدير جيد ولكن بدات تفاصيل القصه تتغير بعد الجامعه لانى عملت قناه علي اليوتيوب بعد سنه تالته باسم صفا احمدSAFA AHMED اول فيديو كان بعنوان ازاى تتعلم اى لغه وحاليا انا بلخص مناهج الثانويه العامه وطرق مذاكرتها للطلبه لانى عاوزه اساعدهم يحققوا احلامهم عشان قلوبهم مش تتكسر علي احلامهم زي ما حصل معايا وبالاخص من شهر 11 اللى فات قررت انزل المدينه واعيش مع اهل والدتى ف شقه خاصه بيا واشتغلت بمرتب ضعيف وقررت اصرف علي نفسي في سبيل حريتي اتعلمت خلال الفتره دى اكتر من 20 لغه وبشتغل علي نفسي فيهم واتعلمت في مجال التحاليل الطبيه ده بجانب اهتمامى بارض تركها والدى بحكم انى مهندسه زراعيه وحفظت 15 جزء قرءان وبحلم اتمم حفظ القرءان والتوراه والانجيل واتعلم في مقارنه الاديان زى الدكتور ذاكير نايك ونفسي ادرس طب بشري عشان اخفف عن الناس الامهم واوجاعهم وبحلم اعمل مؤسسه اعلم من خلالها كل الناس اللغات اللي بعرفها وبنشر علمي للعالم كله واساعدهم برده يعملوا زيي مهما كان مجال شغلهم وبتمنى اشارك ف افلام عالميه بكل اللغات اللى اعرفها وواعلمهم ان المستحيل مجرد كلمه
