البلوجر إيفون نبيل: “حد ينقذي حياتي بتنهار والسبب زوجي”.. فيديو
وسط حالة من الفزع والإنهيار، كشفت البلوجر الشهيرة إيفون نبيل عن أنها تعاني في حياتها من القلق والخوف والألم بسبب زوجها الذي يعاني من إضطراب الشخصية النرجسية مطالبة بضرورة إنقاذ حياتها وحياة أطفالها، وجاء ذلك من خلال فيديو بث مباشر على صفحتها الرسمية على موقع التواصل الإجتماعي “فيسبوك”.
وقالت إيفون نبيل: “مساء الخير يا جماعة، دي أول مرة أعمل نوعية الفيديوهات دي، ما كنتش حابة أطلع أقول الكلام دا، ولا أتكلم بالطريقة دي، لأني طول الوقت بديكم طاقة إيجابية، أنا حاليًا محبوسة في بيتي جوزي أخد مني اللاب توب والموبايل، وخبيت منه الموبايل دا عشان أعرف أطلع منه، غير إنه غير باسوردات معظم الصفحات”، مضيفةً: “في مشكلة بيني وبين جوزي لكني عمري ما طلعت أتكلم عنها، ودائمًا بدي طاقة إيجابية، أنا بواجه تهديدات كتيرة اوي، وقولت المرة دي أقدر أستعين بيكم يمكن الاقي حد ينقذني، أنا مش عارفة أنزل من بيتي وزوجي طلع بيسجل مكالمات بيني وبينه، هو فيه أمان لحد بيسجل لمراته، أنا مش قادرة أسجل الفيديو من الصالة عشان أولادي”.
وتابعت البلوجر إيفون نبيل: “أنا حياتي بتنهار من 8 سنين بسبب التهديدات، كنت بشتغل في قناة وقالي متنزليش ما تشتغليش علشان الأولاد قولت يمكن عنده حق، قعدت سنين ما بشتغلش بسبب المشاكل، إتحولت لخاامة في البيت، فكرت في يوم من الأيام إيه ممكن يكون البديل، فقولت هصور فيديوهات في البيت، عمره ما رضي عني.. إيه اللي إنتي بتعمليه دان إنتي حاجة عرة، إنتي قليلة، إنتي فاشلة كأم ومذيعة وكل حاجة، أنا مكنتش بديكم انتم الطاقة الإيجابية، أنا كنت بديها لنفسي، وبقيت أقوى بيكم إنتو السند”.
وأردفت إيفون نبيل: “أنا عاوزة أطلع من البيت وعيالي معايه، أرجوكم بلغوا أي حد مسؤول، لإنه مطلع رقم سفارة عشان يسفرهم، خليهم في حضني أنا دلوقتي محبوسة في بيتي مش عارفة أخرج منه، ومش معايا غير ربنا، أنا أبويا ميت وهو شغال في جهات كبيرة وعارفة إنهم عمرهم ما هيقفوا معاه في الشر، أرجوكم حد ينقذني، أنا أخر حاجة كتبتها قبل الفيديو إدعولي، خلاص مش قادرة، 8 سنين بيهدد فيا وبيقول إنمي ست فاشلة بكل المقاييس”.
ولفتت إيفون، “قرأت عن النرجسية، وعرفت إنه شخص نرجسي وإنه عنده مشكلة، والنرجسية مش بتتحل، شير للايف أرجوكم أنا ساكنة في الزيتون، والله ما عارفة أعمل إيه، المرة دي الجاية مش عارفة ممكن يعمل إيه، أنا رافضة الحياة دي تاني، بقالي 8 سنين بتعذب وبتذل، كل الناس بتحبنى وشيفاني ناجحة، وهو بيقول انتي فاشلة، ربنا عوضني بالفيديوهات عن الشغل، لكن هو عايز يمنع عني الدعم النفسي وبيقولي دا وهم وفيك وناس ورا شاشات، أنا عاوزة أنفصل وأبعد عنه بخلع أو طلاق، وأربي عيالي بس، عارفة إنه ممكن يشيل اللايف غي أي وقت.. حد يغيتني يا ناس حد ينقذني حقيقي حياتي بتنهار.. أنا مش عارفة أتصرف انقذوني”.
