اعاقه بدايه حياه
لما كان عندي 15 سنه اكتشف الدكاتره اني عندي مرض ف شبكيه العين و كنت ساعتها ف تانيه اعدادي .
و علي الرغم من سفري برا و لف البلاد عشان اتعالج محدش عرف يعالجني فقررت اني هتسيب الدراسه و انا عندي 19 سنه و اني عايزه اعيش حياه طبيعيه زي باقي البنات و اتجوز و اخلف و اسبت لاهلي اني هنجح و احس بنفسي .
و فعلا اتجوزت و خلفت 4 اولاد و كنت بواجه مشاكل كبيره في تربيتهم و ان مش عايزه ابينلهم عجزي و ضعفي .
بس الحلو ان جوزي دايما كان بيشكر فيا و كنت بعمل اي حاجه بيطلبها و مقصرتش ف اي حاجه احتاجها مني .
بعد ما نجحت ف بيتي قررت اني هرجع للدراسه تاني و بدات اخد دوره كمبيوتر علي جهاز ناطق و دي كانت خطوه مهمه لان ساعتها اولادي بداوا مرحله الشباب و ساعتها بدات اتواصل معاهم و ادخل علي المواقع زيهم و واحده واحده رجعت لدراستي اللي اتحرمت منها و كانوا ولادي بيساعدوني في مذاكرتي بعد ما يخلصوا مذاكرتهم .
وفعلا اتعلمت ثانوي و دخلت الجامعه و خدت الماجستير والدكتوراه .
عايزه اقولكوا مهما كان في صعوبات ف حياتكم حاولوا تكملوا و هتلاقوا ربنا بيخلق الطريقه و بيساعدكم .
انا دلوقتي نجحت ف بيتي و دراستي و اولادي كبروا و بقوا من المتفوقين .
