عمود البيت
انا زوجة وأم لتلات ابناء
اعمل صباحا في وظيفة كويسة كمديرhr
وبعد الضهر اخيط علي المكنة علشان اكبر مشروعي.تفاصيل يومي صعب جدا علشان اقوم بدرى اصحي ولادى ولازم يكونوا لابسين كويس وشكلهم منظم لاننا مدارس راهبات واوصل المدرسة واروح شغلي وارجع اجيب الولاد واغدى وبعدين اقعد اخيط وفي نفس الوقت اذاكر لولادى
عندى تحديات كبيرة يوميا..دخلت البنات مدارس راهبات فرنساوي علشان عايزة اشوفهم مختلفين وبالتالى انا المسؤولة عن مذاكرتهم..قدرت احافظ على حضور التمارين نفسي اشوفهم ابطال.ابني الكبير في السباحة وبنوتي الوسطى بطلة جمباز ولسة الصغيرة
اكيد فئة ناس ليها ظروف اصعب مني ..لكن كل أصحابي وقرايبي طول الوقت يقولولي أنتي بتقدرى تعملي كل دة ازاى وبيحسسوني إني مش طبيعيه ..وكمان والدى رجل مسن واغلب الوقت موجود معانا في البيت ولازم اهتم بكل حاجة لية…ينفع تكوني عمود بيسند البيت وتساعدى جوزك علشان الحياة تكون أفضل من غير ما تزودى التزاماتة
حقيقي فئة ايام بكون تعبانة جدا جدا جدا ولكن الحياة لازم تستمر..لما بنتي اخدت دهب في البطولة التعب بيروح..لما ولادى نجحوا بدون دروس التعب بيروح .لما مشروعك ينجح التعب بيروح.
