“ساعات شيطاني بيغلبني”.. أسما شريف تعلن عن عدم الظهور بملابس مكشوفة مرة أخرى

نشرت الإعلامية أسما شريف منير منشور تعلن خلاله عن عدم الظهور مرة ثانية بملابس مكشوفة، وذلك من خلال صفحتها الشخصية على موقع التواصل الاجتماعي الانستجرام.

وقالت: “مسحت الصورة اللي فاتت وقلت أنزل دي، بس عشان ساعات شيطاني بيغلبني زي باقي البشر وساعات بحس بالذات بعد ما خسيت أني عايزة ألبس لبس حلو وبناتي كده وأفرح أني بقى شكله حلو عليا بس الصح صح مش هقاوح”.

واستكملت: “أنا أصلاً مش بحب ألبس لبس مكشوف في العادي بس انجرفت ورا الدنيا اللي مش باقية، فهقاوم الإحساس ده وهركز مع نفسي وفي لبسي أكتر”.

وأردفت: “هحاول أنقي لبس يكون معتدل وحلو عشان أشجع نفسي والبنات اللي متابعني إنهم يلبسوا لبس حلو في نفس الوقت مش مفتوح، مش عيب أن الواحد يعترف بغلطه وطول الوقت يحاول إنه يبقى أحسن، وبشكر المتابعين اللي لفتوا نظري بطريقة ذوق”.

واختتمت: “كل سنة وأنتم طيبين وحبايبي ودعمي، ربنا يفرح قلبنا كلنا ويهدينا بحبكم”.