تفاصيل واقعة تحرش سائق مكروباص بفتاة في الحصري

تعرضت إحدى الفتيات إلى التحرش أثناء إستقلالها أتوبيس متجه من 6 أكتوبر إلى منطقة التجمع الخامس، ولكنها وثقت الواقعة من خلال تصوير مقطع ڤيديو يتضمن ما قام به المتحرش من لمس أجزاء من جسدها.

وقد نشرت رانيا سليمان مقطع فيديو لتوثق تعرضها لواقعة التحرش على موقع التواصل الإجتماعي “إنستجرام”، وكتبت: “أنا كنت راكبة التجمع من موقف الحصري ومكنش فيه غير مكانين جنب السواق وأنا ركبت وبنت جنبي، وفي نص الطريق حسه بحاجة على رجلي وأنا مش عاوزة أعمل شوشرة عشان مظلمهوش فتاخرت نفسي عنه وهو مصمم برضه لحد ما قررت أطلع تليفوني وأصوره”.

وتابعت رانيا من خلال منشورها، ” حاولت أصوره على الأقل عشان أخد حقي قانوني.. إيده كانت مش ثابته وكان عمال يديني في جنبي وهو طبعًا عاوز يلمس أي حته وخلاص، صورت الفيديو دا وخوفت ألفت الموبايل على وشه ولما الكل نزل قولت هنزل لكنه لاحظ إن الكاميرا مفتوحة”.

وأضافت: ” شد إيدي ومرضيش إن أنزل، وقالي خدي تعالي معايا يا تيجي معايا يتجيبي التليفون دا، فضلت أقاوم ونطيت من العربية، وأول ما نزلت صورته وصورت العربية والحمد لله إن لحقت لإنه جري.. هعمل محضر بالواقعة وناخذ حقي قانوني، وحسبي الله ونعم الوكيل أنا حرفيًا صوتي بقاله يومين مش طالع ومكنتش قادرة إن أصوت وللأسف أنا مش هقول غير إن كل بنت لازم تاخد حقها.. أنا هعمل محضر وهاخد حقي إنشاء الله”