الحكم على المتهم في قضية فتاة المنتزه بـ سنتين سجن

أثارت واقعة تحرش ثلاثة شباب بفتاة تدعى “أية عبيد” غضب رواد مواقع التواصل الإجتماعي خلال مارس الماضي، وترجع تفاصيل الواقعة إلى أن الفتاة كانت تسير برفقة صديقتها بأحد شوارع مدينة الإسكندرية وبالتحديد في منطقة المنتزه، ثم فوجئت بثلاثة شباب يتعرضون لها ببعض الألفاظ، ثم محاولة مضايقتها والتحرش بها.

وقالت “أية  عبيد” من خلال منشور لها على موقع التواصل الإجتماعي “فيسبوك”، “الصور دي وأنا في القسم بعمل محضر بعد ما حصل ده.. ماشيه فالشارع انا وصحبتي لقيت واحد واتنين معاه معرفوش ولا يعرفني بيعاكسنا وبيزنق علينا بالعربيه بتاعت البضاعه اللي كان بيزقها وجي يمسكني من ضهري، لفيت اشوف مين ابن الظريفه اللي كل الشارع بيضحك معاه ده وشتمته لقيته قلع اللي كان لابسه في رجله وبدأ يضربني بيده ورجله هو والناس اللي معاه في وشي وجسمي، وأثا ضرب رجليهم في البنطلون مكان ما كان بيدوسوا عليا، وبيمسك جسمي وتركيز ضربه كان في مكان واحد من جسمي معظم الوقت”.

وتابعت “أية عبيد”، “فلت منهم وفضلت ازعق علشان الناس في الشارع تمسكه، وأنا بحاول أضربه لقيت الناس اتلمت من زعيقي، صحبتي أخدت مني الموبايل فأول الموضوع وكلمت ماما اللي هي اساسا كانت بتكلمني وهو بيعاكسنا وقالتها اني فيه ناس بيضربوني فالشارع”.

وتابعت، “روحنا قسم المنتزه عشان اعمل محضر تعدي بالضرب وتحرش كانت صحبتي كلمت خطيبها جالنا ع هناك  دخلت مكتب رئيس المباحث.. كان راجل محترم جدا  قالي ايه اللي حصل، وقلت اللي فاكره لاني مكنتش فاكره كل حاجه، ومكنتش وقتها فاكره الموضوع بدا ازاي، الراجل كان متفهم جدا وبعت فنفس الوقت يجيب الولد من مكان مهو شغال مفيش حوالي نص ساعه والواد كان جه.

  وأضافت “أية”، إنها  فوجئت بأنه تم تحرير محضر ضرب فقط للشاب دون ذكر واقعة التحرش، ولكن بعد تفاعل رواد مواقع التواصل الاجتماعي مع الواقعة الذين أطلقوا هاشتاج “حق أية لازم يرجع” لدعمها ومساندتها تمكنت الجهات المعنية بالقبض مرة أخرى على المتحرش وبالفعل بدأت التحقيقات، وبعد مرور 4 شهور تم الحكم عليه بالسجن لمدة سنتين لكي يكون عبرة لغيره.