“بتمنى يوم واحد بس بدون ألم”.. أسماء مصطفى: تحذر من تناول المسكنات بدون إشراف طبي

بعد مرور الإعلامية أسماء مصطفى بوعكة صحية شديدة بسبب تناول المسكنات دون أشراف طبي، والذي تسبب في إصابتها بسرطان المعدة، طلبت من جميع جمهورها بأخذ الاحتياطات اللازمة عند الشعور بأي عرض أو ألم والتوجه إلى أطباء مختصين، وعدم تناول المسكنات الطبية من تلقاء أنفسهم.

نشرت أسماء بوست توجيهي على صفحتها الشخصية بموقع “فيس بوك” قائلة: “أنا بكتب الكلام ده علشان عارفة إن في ناس كتير بحبهم وأتمنى نصيحتي توصل للكل”.

وأضافت: “بالمناسبة أنا كنت زي الشاب ده الله يرحمه، مبشتكيش كتير كنت طول الوقت باجي على نفسى ابتلاءات في حياتي خلتنى آخر حاجة أفكر فيها أدخل مستشفى أعمل أي فحص، كنت بتعامل مع المسكنات زى البنبون والمسليات، اتعب أخد مسكن وأكمل، مكنتش أحب أحسس اللي حواليه بتعبي واخدها طول وعرض، لحد ما اكتشفت إن السرطان بياكل في معدتي”.

وتابعت: “وحتى بعدها كنت بدور على علاج ميخليش أعراض تظهر عليه، علشان أخبي على عيلتي وأكمل شغلي، وموجعش قلب حد لحد ما المرض غلبني، نصيحة لوجه الله لم تتعبوا قولوا روحوا اكشفوا واطمنوا على نفسكم، بلاش العادة السيئة أي دوا من الصيدلية ومسكنات ونكمل أرجوكم بلاش”.

واستكملت: “صبري على الألم وإنى كنت باخد على حاجة على نفسى وأعصابي، خلاني مروحتش اكشف غير لما لاقيت نفسي فعليا بقع، ولو كان المسكن يومها جاب نتيجة أكيد مكنتش هروح المستشفى من رحمة ربنا، إن الألم كان أكبر من احتمالي ودلوقتي بتمنى يوم واحد بس دون ألم، طولت عليكم أرجوكم خلوا بالكم من صحتكم”

شاركي من هنا

مقالات ذات صلة