مين هى ؟
هى بنت عندها ١٣ سنة بتقرا وهى عندها ٩ سنين حبت القراءة اكتر من السوشيال ميديا وحبت الكتاب أكتر من الموبايل وممكن دة يكون غريب! حلمت انها تكون مذيعة عملت قناة على اليوتيوب وسمت نفسها المذيعة الصغيرة قدمت حلقات للاطفال بمواضيع مهمة ونصائح خفيفة كانت يتصورها من البيت بمساعدة مامتها كانت بتعشق ماسكة المايك قدمت فى مسابقة مذيعين اطفال ونجحت وقدمت برنامج على قناة مش معروفة بس كان المهم انها بتعمل اللى بتحبه وبتحقق حلمها بعد فترة آمن بموهبتها صاحب شركة إنتاج وقرر يعمل لها برنامج خاص بيها اسمه “الكلام على مين ” تستضيف شخصيات مهمة ومشاهير وصورت برومو مبهج وصورت حلقة بايلوت وفجأه الحلم ضاع وكل شىء وقف تعبت نفسيا وزعلت واتأثرت وحست باليأس بس كالعادة مامتها ساندتها من تانى وقدمت لها فى مسابقة المذيعين على dmc واختارتها الجميلة داليا اشرف تقدم حلقة معاها واستضافت استشارى نفسي واتكلمت عن موضوع مهم يخص شريحة كبيرة من المجتمع بنات وولاد وهو المراهقه وحست انها بدأت من تانى تكمل فى طريقها وطلبتها للمرة التانية المذيعة داليا اشرف ودة بسبب إيمانها بيها لتقديم حلقة عن تطوير العشوائيات واستضافة شخصية مهمة ومناقشته فى الموضوع ٠ مين هى ؟! هى انا “سما بحيرى” حاليا مذيعة فى برنامج بكرة لينا على القناة التانية المصرية ومستمرة فى تحقيق حلمى وإن شاء الله هاوصل اكتر أنا باشارك النهاردة قصتى مش بس عشان افوز فى المبادرة مع إن دة أكيد حلم وأمنية واتمنى تتحقق لكن عشان ممكن اكون سبب فى انتهاء لحظة يأس عند أى طفل بيحلم وحلمه لسة ما اتحققش احلم واحلم وأجرى ورا حلمك واعمل اللى بتحبه ومؤمن بيه هتنجح وحلمك هيتحقق
