مجموعة فتيات يتم طردهم من كافية بالتجمع والسبب ارتداء أحدهم العباءة. تعرف على التفاصيل كاملة (صور)
على غرار خناقة الموسم الصيفي البوركيني والتشنج الطبقي، تعرضت مجموعة من الفتيات للطرد من إحدى الكافيهات المشهورة بمنطقة التجمع بسبب إرتداء أحدهم عباءة.
قامت دينا حشيش كاتبة محتوي بنشر “بوست” على صفحتها الشخصية بموقع الفيس بوك، تشرح فيه تفاصيل تعرضها للطرد هي وفريق عملها من أحدى الكافيهات الموجودة بشارع التسعين بمنطقة التجمع.
قالت حشيش “الواحد كان فاكر ان لسه شهر على خناقة البوركيني والتشنج الطبقي بس أنا افتتحت الموسم بأول قصة أنا وفريق الشغل قررنا نعمل ميتينج مهم في التجمع في كافيه الصبح، حد اقترح Hookah هو كافيه شيشة بسيط بس محدث في شارع التسعين ومكلفين التشطيب ومزودين الأبانوس وعاملين ڤاليه فكروني بالمحجوب أو blaze أول ما فتح. وبدأنا الميتنج وكنا ٥ بنات كل واحدة فينا شكل. البلوند، أنا، محجبات بأشكال مختلفة، مجموعة diverse زي إعلانات Benetton. احنا تيم كونتنت بنكتب ل1.7 مليون فولورز وأحلى حاجة فينا اختلافنا لأن بنوصل لكل متابعينا مهما كانت خلفيتهم”.
استكملت دينا قائلة “بعد ساعتين جت أخر بنت بدموع في عينها من الإحراج وبتقولنا مش هقدر أحضر الإجتماع مش عايزيني هنا علشان لابسه عباية، فرحت للمدير قولتله عيب عليك إحنا في 2012 وقدمت قوي حوارات الخوف من الإختلاف وبرضو مش هناقشك إن لك دريس كود، حقك ولكن أنا مديرياتهم وجايباهم ومتكسفنيش قدامهم إحنا ساعة وماشيين، ولازم السينس انت شايف ناس محترمة فعادي المكان فاضي أصلًا، يقولي في كاميرات والمدير هيلومني ومش مسموح بعباية ولا نقاب ولا شبشب، أنا عمري في حياتي ما اتطردت من مكان ويوم ما يحصل يبقى في قهوة”.
وأردفت دينا “جريوا ورانا في الشارع علشان ندفع تمن الأكل اللي ملحقناش ناكله وكامل زي ما هو وقولناله خلي مديرك يدفعه بعد المهانة دي تطردني وأنا باكل وتقولي ادفعي”.
وتابعت “كلنا وقفنا مع صاحبتنا وساندنا إختيارها في لبسها ومشينا، فمشكلتك مع اللبس غير مفهومة ودي أخرت الإحداث، أتمنى من مدير المكان إن تشوفوا دكتور ممكن يساعدكم في حل مشاكلكم النفسية، العلاج النفسي مش عيب ده بينور ويساعدنا نتقبل”.
