حالة من الغضب العام على السوشيال ميديا بعد تعرض طفلة للتنمر من معلمتها والسبب “شعرها كيرلي” (صور)

حالات التنمر والاعتداء النفسي على الأطفال مازال مستمر إلى آجل غير معلوم، تداول منذ ساعات رواد مواقع السيوشيال ميديا منشور من أب يسرد قصة تعرض طفلته لتنمر صريح من قبل مدرستها بسبب مظهرها الخارجي، مما أثارت حالة من الغضب العام.

كتب ماركو عادل والد الطفلة “يؤسفني اني أقول ان نفسية بنتي مارلي مرقس عادل اتدمرت بسبب التنمر، وأن المدارس بقي ليها شروط معينة فالطفل غير المتعارف عليها”.

واستكمل قائلًا “الطفلة مستواها كويس جدا في التقييم انجليزي وعربي ومهارات، بس المشكلة في شعرها، أيوة زي ما قريتم كده، ان شعرها كيرلي ومش ناعم”.

وعن تعليق المدرسة قال “الميس خرجت تقول أن الكومنت الوحيد على البنت شكلها مش حلو، بصيتلها بإستغراب وبصيت للبنت أتأكد من لبسها وشكلها
قالتلي شعرها ومسكته بإيديها وهي مستائة”، “قلتلها شعرها طبيعته كده. المهم مطولناش عشان الكلام كان قدام الطفلة، بس طبعا الطفلة كانت سامعة ومركزة في كل ده”.
أما عن الحالة النفسية للطفلة قال” البنت رجعت مضايقة ونفسيتها وحشة جدا”

بأي منطق يتسببوا في أذي نفسية طفلة بالشكل المؤسف ده، إزاي يبقي تقييم الطفل يبقي من خلال شكله أو شعره، إزاي يتنمروا عالطفلة بالشكل ده
إزاي تتكلمي كده قدام الطفلة”.
ووجه ماركو كلمة لكل من يحاول التنمر على الأطفال قائلا “ياريت بجد كفاية ضغوط على الأسرة والطفل في تقديمات المدارس، أحنا مش داخلين حرب”.