• شاركي قصتك

  Hend تحديث قبل 3 سنوات 1 الأعضاء · 1 مشاركة

  شاركي قصتك
• 

  Hend

  مشارك

  1 أبريل، 2021 الساعة 1:33 ص

  <div>
  </div><div>
  </div><div>10 سنوات ما قبل حياتي ?</div><div>
  </div><div>معندناش بنات تتغرب بره بلدها.. جملة ممكن تسمعها اي بنت عايشة ف الاقاليم وحلمها بره حدود المحافظة الي عايشة فيها من وانا صغيرة كنت طفلة موهوبة بحب الغناء والزسم والتمثيل والاذاعة.. وكان عندي أحلام كتير اني اغير العالم حرفيا.. ودايما متاكدة اني في يوم اكيد هغير العالم ❤️كبرت وكبر حلمي معايا وجيت ف مرحلة الثانوية العامة والدي اتصاب بجلطة ف المخ صرفنا كل الي معانا ع علاجه وانا كنت وقتها ف ثانوية عامة ومفيش امكانية اني اخد دروس.. بدات اذاكر لنفسي وف نفس الوقت كنت إشتركت ف فريق الموسيقى العربية وباخد مرتب بسيط بقيت بصرف منه علي دروس مادتين بس وباقي المواد بذاكرها بنفسي.. جبت مجموع كبير ف الثانويه العامة ودي كانت اللحظة الي استنيتها كتير اني ادرس حاجة بحبها ومن ضمنها اعلام جامة القاهرة… اول كلمة سمعتها معندناش بنات تتغرب.. عيب ميصحش.. ف الاول علشان مزعلش بابا وماما خصوصا ان والدي مريض وف نفس الوقت الامكانيات المادية متسمحش اني اعيش ف القاهرة.. استسلمت ودخلت كلية التربية جامعة دمنهور ف بلدي.. وانا بدرس إشتغلت مدرسة بجانب الدراسة وبدا اسمي يكبر وفتحت سنتر تعليمي.. قعدت 4 سنين بدرس ومش لاقية نفسي ومع ذلك اتخرجت من الكلية بتقدير جيد.. وبشتغل بس في حاجة ناقصة حتة جوايا مش سعيدة و حلمي وشغفي مش قادره انساه.. حوشت فلوس من شغلي واقنعت اهلي اني ادخل كلية اعلام جامعة القاهرة للتعليم المفتوح ووافقوا اخيررررا.. كنت بسافر أيام المحاضرات وارجع ف نفس اليوم علشان برضة لسه مش موافقين اني اعيش هناك.. وحطوها شرط أساسي علشان يوافقوا ادخل الكلية.. قولت مش مهم استحملي علشان توصلي للي انتي عاوزاه.. وفعلا اثبت لهم اني كنت صح.. وكنت من الاوائل ف الكلية وكنت باخد كورسات وبشتغل كتير وانا بدرس اعلام علشان اطور نفسي ولسه الامل موجود اني ابقي (مذيعة) جالتي اول فرصة فعلية اني قدمت برنامج تاريخي ف منصة كبيرة اسمها ( cairo time) ودي كانت البداية بعدها.. قدمت ف (قناة العربية) واتعينت فيها social media presenter</div>

  ودي من اهم النقلات في حياتي..

  وكانت كلمة بترد ع كل حد قالي عمرك ما هتوصلي وانك بتضيعي وقتك وفلوسك

  <div>كل انواع الاحباطات مريت بيها من كلام بقي من اهل من صحاب من جيران… انتي هتضيعي عمرك… الي قدك عندهم اولاد.. القطر هيفوتك ? الايام بتجري</div><div>
  </div><div>حقيقي مريت خلال حياتي بظروف صعبه جداااا</div><div>كنت بشتغل وبدرس ف نفس الوقت وباخد بالي من طلبات البيت وشغل البيت.. لان والدي مريض ووالدتي بتبقي جمبه طول الوقت…</div><div>الحمد لله قدرت أوفق بين الشغل والدراسه وطلبات البيت ❤️ ❤️</div><div>وبقيت مذيعة لسه بقول يا هادي…</div><div>بحاول اقدم محتوي مهم ويفيد الناس بجد</div><div>(اتجوزت) الحمد لله… شخص بيدعمني ف شغلي ودايما واقف جمبي وبيستحملني.. ❤️❤️❤️</div><div>حققت جزء مش بطال من حلمي الحمد لله</div><div>القطر مفاتنيش ولا حاجه…</div><div>بحب الشوبينج واللبس والفسح والطموح والسفر والقراءه</div><div>والغناء والمسرح كل حاجه ❤️❤️❤️</div><div>بالاصافه اني مطربة ف اوركسترا وزراه الشباب والرياضه</div><div>مش لاقيه كلام اكتبه كتييييير اقعد اعيد اني قد اي مريت بايه وكده.. بس الي متأكده منه…</div><div>ان ورا كل قصة نجاح معااناه</div>

الردّ