شاركي قصتك
تحديث قبل 3 سنوات، شهر 1 الأعضاء · 1
مشاركة 
انا يارا عندي ٢١ سنه من وانا صغيرة وحلمي اني ادخل اداب تاريخ جامعة القاهرة وربنا استجاب ليا وحققت حلمي ، لما دخلت الجامعة بايا طلع معاش طبعا ده اثر ع الحياة والمعيشة وانا ف سنه تانية عملت حادثه وبعد م كشفت عرفت اني محتاجه اعمل عمليات ف رجلي عشان ارجع كويسه تاني واقدر امشي ، عملت عملية وانا ف سنه تالته وماكنتش بخرج من البيت وكنت ع طول ملازمه العكاز ومش بنزل للدراسه طبعا ده كله كان صدمه ليا وماكنتش عارفه اتاقلم نفسيا اللي هو انا سني صغير وعندي ٢٠ سنه وبقيت ملازمه العكاز مش بخرج من البيت خالص كل حياتي بقت دكتور واشاعات بعد فترة الدكتور قالي أن احتمال نعيد العملية التي لأنها مانجحتش اليوم ده انا فاكراها كويس كان ف شهر ٣ اللي فات وكان صدمه ليا اللي هو ازاي ده انا بعدي كل يوم بالعافيه وبجاهد ف هعيد كل ده من الاول تاني !! وبعد فترة عملت عمليتين ف شهر 10 ده
وحقيقي الموضوع كان متعب جدا لان كل حاجه زي م هي لسه مش بخرج من البيت لسه كل مشاويري دكتور وبس وبنزل للكلية وقت الامتحانات بس ف المرحله الاولي كنت تعبانه نفسيا اوي ومش متقبله الوضع حاليا أنا الحمدلله راضية ، طبعا وسط كل ده انا اتعرضت ل مواقف خذلان كبيرة اوي وكل اللي كان معايا مشي واللي ماوقفش جنبي وده تعبني جدا واللي كان بيقولي ايه ده يا بنتي انتي كل شوية تتعبي وتعملي عمليات ؟ واللي يبصل للكاز ع أنه حاجه غريبه وده كله كان بياثر فيا ماكنش عندي القوة بتاعت دلوقتي أن مايفرقش معايا حاجه
حاليا أنا مكمله ف متابعه الدكتور وعندي عملية أخيرة ف شهر 9 ، ودخلت الامتحانات وذاكرت ويطور من نفسي ف القراءة واتعلم حاجات جديدة واكتسب حاجات كتيرة ف الشخصية
اهم حاجتين أنا طلعت بيهم اولا أهمية قيمة الصحه ورضا ربنا علينا ، واني بقيت عارفه قيمة نفسي وقوية وفعلا اقدر اكمل لوحدي واوصل لحلمي وحلمي اني ابقي حاجه كبيرة ف المجال اللي بدرس فيه ?
وثانيا أنا حرفيا ماحدش واقف جنبي غير اهلي وكل الدعم منهم رغم أن ظروفنا اتغيرت بس حقيقي بابا وماما مصدر دعم وامان كبير ، واخواتي مصدر كل حاجه حلوة ♥️
يمكن بنمر ب اختبارات جديدة وماكناش نتوقع اننا هنمر بيها ، بس بتطلع مننا حاجات كتير حلوة اوي وبتعرفنا قيمة حاجات كتير ?
Viewing 0 reply threads