شاركي قصتك
تحديث قبل 3 سنوات 1 الأعضاء · 1
مشاركة 
يسعد كل أوقاتك عزيزي/ عزيزتي القارئ/ة ?
بالصدفة وانا برتب غرفتي وبسمع اغاني من اليوتيوب ،، جت اغنية روبي واحدة جديدة .. شدتني كلماتها لدرجة سبت التنظيف وفضلت اشوف الكليب واسمع الكلمات واستشعرها لانها بتحكي تجربة مريت بشبهها ، لغاية لما روبي شافت الاستاذ ماجد الكدواني في نهاية الكليب انا هنا دموعي نزلت وانا مبتسمة وكلي حب وشعور بالانجاز لان الاغنية فعلا لمست قلبي..❤️
زاد شعوري اكتر لما شفت ان الكليب هو اصلا اعلان لحملة واحدة جديدة وماترددتش خالص اني اشارك قصتي معاكم??
أنا اماني ، اتخرجت كمهندسة ديكور من الجامعة اللبنانية الدولية .. كأي شابة حبيت و اتجوزت أول حب فحياتي وكنت طايرة من الفرح معاه .. بعد جوازي بفترة قصيرة فتحت مشروعي الخاص اللي هو Events planning واسميته Wish مقتنبس من اسمي..، وكان جوزي بيساعدني فيه وكنا بنعمل شغل حلو ومبسوطين بانجازاتنا ومرتاحين بحياتنا ،، مرت الايام وبدأت تحصل معانا مشاكل عادية بتحصل لأي متجوزين بس ماكناش نعرف نحلها بسبب قلة الوعي من كلى الطرفين .. اهلنا ماكانوش حل لتوعيتنا بل بالعكس .. اصحابه كانوا بيطلقوا عليه القاب انه بيجري ورا مراته والقاب تنم عن انعدام الوعي والبرمجة الذكورية المجتمعية الخاطئة.. تدريجياً بدأت اسمحله يتحكم بيا وبمظهري ولبسي ، حتى طريقة كلامي ونبرة صوتي مع الناس كان بيتحكم بيها .. انعدمت ثقتي بنفسي تدريجياً وبقيت بخاف اخرج وحدي ، بخاف اعمل اي حاجة لوحدي ، عاوزاه طول الوقت معايا لاني مش بثق بنفسي ولا بأي حاجة بعملها،، العلاقة بدأت تفتر وتبرد وكنت حرفياً (ذابلة) الى ان وصلنا لمرحلة الفراق .. اتشجعت اخيرا وروحت بيت اهلي .
فضلت مستنياه مافيش اي رد منه او محاولة انه يرجعني .. شهر وجاء يوم عيد زواجنا اللي يصادف عيدميلاده ، قمت انا حجزت جناح بفندق وجاتو وهدية وحركات كده .. وبعتله مسج اني دعيته للفندق بمناسبة اليوم ده عشان نقعد ونتكلم ونحل مشكلة البعد دي.. للاسف هو رده كان جارح جدا وقلي انه احنا اصدقاء مش اكثر (نسي اني مراته)??
انا انصدمت ساعتها وانهرت وقررت اني مش هكلمه تاني ، بس كنت على امل انه هيرجعني هيرجعني اكيد مهو ده الانسان اللي انا بحبه وبيحبني ومتعلقين ببعض؟ ?شهر وشهرين وتلات ومافيش اي محاولة .. حاولت مرة ومرتين وطول سنة ٢٠١٩ وانا بحاول ارجعله وهو في كل مرة بيصدني صد بيوجع وقاسي جدا ?
لا هو اللي رجعني ولا هو اللي طلقني .. وعمال بيراقبني من بعيد وكل اللي بشوفه منه كل فترة اتصال بيتهمني وبيسألني من الشب اللي عمل لك لايك بالفيس ومنين تعرفيه وبيخوفني كأني عملت حاجة غلط وانا ما عملتش اي حاجة ?♀️?♀️
كنت بعاني من مشكلة التعلق وانحطيت في تجربة كنت فيها لوحدي ..الفترة دي كنت وحيدة بما تعنبيه الكلمه .. ابويا متوفي ، امي مسافرة اخواني مسافرين ، معنديش خوات ، بعدت عن صحابي ، سبت مشروعي ومبقيتش اهتم فيه ،كرهت اهلي وحسيت انهم كانوا سبب في انفصالي، انعزلت و حسيت اني عشت الغربة في بلدي .. وكل ماباجي احاول اكلمه عشان نتقابل ونتكلم كان بيصدني?على قد ماكنت حزينة ومكسورة ساعتها على قد ماكنت بحاول اتعلم وافهم ايه المشكله فيا .. كنت بسمع للدكتور احمد عمارة ، والدكتورة سمية الناصر .. والاستاذة ريهام الرشيدي ، وكتير،، اخذت كورسات مع الدكتورة سميه (كورسات متعدده)
وكورس(الجمال المطلق) مع أ. ريهام .. قرأت كتاب كاريزما الانوثة وفعلا كان احد اهم الاسباب اللي خلتني اعرف فين مشاكلي وكيف احلها.. كنت بعمل حاجات بحب اعملها لوحدي .. كنت بكتب اغاني والحنها .. برقص .. بغني .. بلعب مع كلابي بتكلم مع نفسي بعمل healing ، عملت لي حساب Tiktok وكنت بعمل فيدوهات الترند واعملها private ??في نهاية ٢٠١٩ اشتغلت كمدرسة English لاطفال kg2 في واحدة من احسن المدارس في البلد .. كانت طاقة الاطفال بتحييني وبحس فعلا اني نفسي وانا معاهم (بحب الاطفال وبستمتع معاهم جدا) .. وكأن الله كان بينتشلني من السواد اللي كنت فيه وبيغرسني بوسط الطاقة الايجابية..
تدريجيا كنت بزهر وبيطلع مني حاجات حلوة .. ??
لغاية مايوم قررت ورحت له لباب البيت وطلعلي وقعدنا نتكلم في السيارة .. قلتله انا مش هفضل استناك طول عمري .. انت لازم تحدد انت عاوز ايه .. وكانت مشاعري مرتبكة ومتأثرة جدا بوجوده جنبي بعد المدة دي بس كنت متماسكة وكلما بتيجي العياطة كنت بشرب بؤ ميه عشان ماعيطش قدامه?? (كنت جبت قزازة الميه دي مخصوص عشان كده)..?
كانت لحظات صعبة ومؤثرة بس الحمدلله عديتها ??
قلي انه هيرجعني بس كتجربه. فكرت في كلامه كتير ليلتها وبصراحة عزت عليا نفسي ، وبدأت اصحى على نفسي وقررت اني مش هكلمه تاني ومش هرجعله ..دخلت علينا سنة ٢٠٢٠ وانا كنت جدا متحمسة ليها لانها كانت رقم مميز وانا دخلت ال٣٠ سنة فيها .. فكنت مستعدة ليها بكل حب ونية جديدة.. كنت خلاص اتحسنت واتعلمت ونويت اني احب نفسي الاول عشان اعرف احب غيري .. واتعكست القصة ، بقا هو اللي بيحاول يوصلي وانا كنت خلاص قافلة ومش عاوزاه .. بعتلي بعدها مسج انه هيتزوج وحده تخدمه وتخدم الست والدته وتطبخ وتقعد في البيت وتفرح لما زوجها بيجي البيت في الليل ساعة والا ساعتين معاها.. رديتله الف مبروك ع الخدامة الجديدة وياريت ورقة طلاقي الرسمية توصلني بأقرب وقت ، جا عيد زواجنا في السنة الجديدة (واحنا منفصلين عن بعض سنة بدون ورق رسمي)
طبعا هو فضل يبعتلي مسجات تأنيب وبيحاول يخوفني بأي طريقة بس انا كنت الحمدلله اتجاوزت مرحلة تعلقي فيه .. كلمت امه تدخل بموضوع انفصالنا الرسمي ووعدتني وفعلا الحمدلله في يوم وانا خارجة لقيت عسكري عاوزني اوقع على ورقة وعرفت انها ورقة طلاقي رسمياً ..
عديت بأزمة الطلاق بين مجتمع ينظر للمطلقة بنظرة الخزي والعار والحمدلله كسرت هذا المعتقد وخرجت من صندوق البرمجة المجتمعية وتجاوزت الازمة تدريجيا بكل سلام ..اعتقد كنت من الاشياء التي تسببت في تغير هذا المفهوم بين اهلي ومجتمعي.
وجدت الحب بداخلي اولاً وانعكس هذاالحب على حياتي الخارجية وواقعي وأزهرت وأزهر كل شي حولي الحمدلله..✨??
اكتشفت حاجات كانت غلط بداخلي وغيرتها وألمس شعور التغيير في مواقف حياتي اليومية ..?
بقى عندي صحاب جدعين ، واهل طيبين ،و اثنين كلاب قمرين?? ،، وانا عمة ٧ ولاد وبنات زي القمر بيحبوا عمتهم
الone and only ??? ،، وعندي سيارتي وبسوق وبخرج الحمدلله ..?اشتركت ببرنامج ريادة الاعمال والمشاريع مع الefe واتعلمت حاجات كنت مش عارفاها في مجال الادارة والمشاريع ورجعت لمشروعي
اطورت في مشروعي Wish وبقيت بدير فعاليات ومناسبات وبقت شركتي الصغيرة من اول الشركات في البلد اللي بتصنع فعاليات جديدة ومبتكرة من الفكرة وحتى الاحتفال .. والناس بقت بتحب تحضر فعالية انا بديرها ..
وده رابط الصفحة
https://www.facebook.com/Wish3ventsرشحتني الـefe اني اشارك في western union mentorship program (online)
قابلت الmentor بتاعي وحكيتله قصتي وكان عامل مشجع جداً وقلي اني الهمته لحاجات كتيرة واني غيرت نظرته عن اليمن لان كل اللي يعرفه عنها هو الحرب والموت بس انا وريته الجانب المشرق من اليمن والحياة الطيبة.
كمان هو الهمني اني انفع اكون motivator وخلاني اركز على النقطة دي فيا .. بجد انا عمري ماكنت اتوقع اني ممكن اكون ملهمة او محفزة لاي حد .. وممتنة له لانه خلاني اعرف عني النقطة ديفتحت مكتب منزلي وبشتغل عليه الايام دي بكل حب ?
معايا غرفة نوم جديدة كلها الوان بهية عملت ديكورها بنفسي ومبسووووطه فيها ???
كنت اشعر بالعار لاني في اليمن ولكني اكتشفت اني انا الصورة الكويسة عن اليمن والوجه الابيض منها وفخورة بهذا الشي??❤️
سجلت الاغنية الاقرب لقلبي وبسمعها كل يوم وبتعطيني جرعة حب وثقة في النفس ??? ( كان بالنسبة لي حلم اني اروح اسجل اغنية انا اللي كتبتها ولحنتها) ?? :’)
الاغنية تحكي مشاعري الحقيقية وكمية انبساطي وامتناني بالحياة، اسم الاغنية (happy) . يمكن ترجعوا تسمعوها في يوم ما.. ??عملت قناتي الخاصة عالـ YouTube ، وسميتها Amoonshka ، بنزل فيها حاجات بحب اعملها ..
(طبعاً لسه مبتدئة)??انا فخورة بنفسي ولما وصلت اليه وممتنة لكل تفصيلة صغيرة بحياتي وكل نعمة حولي مهما صغر حجمها .. الحمدلله
?(تطول القصة واحداثها وتفاصيلها واحس ان قصتي ينفع تكون فيلم او مسلسل ملهم ???)
أخيراً
ممتنة لكم لاتاحة هذه الفرصة لنا للتعبير عما نشعر به .. فخورة بعصر المرأة اللامع في هذا الزمن ?
شكراً ??ايامك كلها حب ?❤️
Viewing 0 reply threads