شاركي قصتك
تحديث قبل 3 سنوات 1 الأعضاء · 1
مشاركة 
هي الحقيقه مش قصتي هي قصه امي واختي واتمني تكسب لأنها علي الاقل من وجهه نظرى أقوى واعظم ام في الدنيا مامتي في أول حمل ليها ولدت اختي نهي وبعد سنه من ولادتها جتلها سخونه شديده ولفت بيها علي كل المستشفيات تقريبا لحد موصلت الحميات وهناك فضلوا يجربوا في أختي آكتر من مصل من الاقل تأثير للاقوي لحد ما وصلوا للمثل المناسب للحمي الشوكيه هي من ٢٨ سنه مكنتش لسه معروفه ولا كان معروف المصل بتاعها المهم مامتي خرجت من المستشفي هي واختي ورجعوا البيت بس المفاجاه إن نهي اختي مبقتش بتسمع العصب السمعي اتاكل وخرجت من الموضوع مبتسمعش مامتي اكتشفت ده لما بتنادي عليها كالعاده نهي كانت بترحلها بس مبقتش تروح وبدأت رحله كفاح عظيمه هما الاتنين ابطال فيها الحقيقه بدايه من انك تعلمي طفله إنها تنطق الحروف اللي هي اصلا مش سمعاها وبدأت جلسات التخاطب لأن أمي رفضت تعلمها لغه الاشاره رغم ان ناس كتير قالولها كده بس امي كانت بتقول انا بنتي مش خرصه وبنتي طبيعيه جدا وزيها زي كل البنات وعملتلها زرع قوقعه بس مع الأسف مجبتش نتيجه معاها كانت بتجيب نتيجه مع الاطفال اللي مولوده مبتسمعش امي فضلت مع اختي في جميع مراحل تعلمها بتذاكرلها وتوديها الدروس وتحضر معاها علشان لو مفهمتش حاجه من المدرسين لحد الجامعه استأذنت المدير وعرفته بظروف أختي وكانت بتروح معاها تحضر المحاضرات أختي كانت كليه تجاره ف كل المحاضرات مسائل رياضيه والحمد لله اتخرجت بتقدير جيد وفي كل الرحله دي كانت بتادي كل واجابتها وعمرها ماثرت مع أي حد ولا أنا وأخواتي ال ٣ ولا مع والدي حقيقي ربنا يخليهالنا ? ويبارك في عمرها نفسي قصتها تكسب وافرحها إنها بتتكرم علي تعبها في ٢٩ سنه إللي فات ولو إن مفيش اي حاجه توفيها حقها
Viewing 0 reply threads