شاركي قصتك
تحديث قبل 3 سنوات، شهر 1 الأعضاء · 1
مشاركة 
كنت زي أي حد عايز ينجح ويكبر وكانت حياتي كويسة الحمد لله وكنت بشتغل شغل بحبة وعندي أسرة جميلة زوج و ولدين هم كل اللي ليا في الدنيا تعالوا احكيلكم القصة حصلت أزاى
عندي ٣٠ سنه بس التعب اللي بيجيلي دة مش تعب بيت وشغل لأ كنت بحس أني بقيت مش قادرة فعلا، أقل مجهود بيتعبني ازاي انا كنت بعمل حاجات كتير ومكنتش بحس ب كدة خالص وفي يوم قررت اعمل تحاليل وأشوف التعب دة أية سببه .. طبعا مقولتش لحد اني هروح المستشفى عشان محدش يقلق وبعد أسبوع النتيجة طلعت لوكيميا ” سرطان في الدم” والله انا في الاول قولت اكيد التحاليل دى غلط لا مش فاهمة دة بجد المهم روحت اليوم دة وكان عندي احباط جامد جدا وقررت اني هاعيد التحاليل تاني ولما فعلا اتأكدت خدت قرار اني لازم أصارع وأعافر مش يمكن ربنا اداني البلاء دة لسبب معين وحسيت وقتها ان الحياة بقة ليها طعم تاني خالص بجد كل لحظة مهمه في حياتي دلوقتي ، بقة عندي اولويات فعلا وقتي من النهاردة بقه فعلا لة تمن
سافرت اخدت دكتوراه في علوم الصيدليه من اللمانيا وأنا بتصارع مع مرض السرطان لوحدي في الغربه جوزي كان فاكر أني بس مسافرة للمذاكرة أه مرضتش اقول لهم مش عايزه احس باحاسيس الشفقة عايزه كل حاجه طبيعية وان دة ان شاء الله هيكون سبب في تغير حياتي للاحسن
تعافيت من السرطان الحمد لله بعد عمليات وعلاج كيماوي مرهق جدا ورجعت بالدكتوراه مش بس الدكتوراه رجعت بحب وطاقة بجد مكنش عندي نصها الحمد لله
وبنبهر بان كل ده ادرت علية لوحدي من غير متعب حد معايا واشيل حد همومي
عايزه كل واحد فيكم يدعلي دعوه حلوه من قلبه واهم دعوه ربنا لا يعيد عليا وجع السرطان ولا تعبه تاني ابدا
ادعولي
بالسكينه والتوفيق والعوض بغير حساب
Viewing 0 reply threads