شاركي قصتك
تحديث قبل 3 سنوات، شهر 1 الأعضاء · 1
مشاركة 
انا زي اي بنت بتحلم بتكوين اسره وبفارس احلامها خصوصا اني كنت من اسره مستقره ومتوفر ليا كل احتياجات الحياه فالجواز بالنسبه ليا احلام ورديه وسعادة مع شخص احبه ويحبني واعيش اجمل قصه حب ولكن الواقع غير كدا ففي السنه النهائيه لكليتي اتقدملي شخص كان مهندس ويكبرني ٧ سنين ويعمل بشركه مرموقه ولديه شقه فطبعا المواصفات دي حلم لاي اب فرحب بيه وانا من ثقتي بوالدي انهم عارفين مصلحتي وبيحبوني فاختيارهم بالنسبة ليا موفق وبعد اتمام الزواج بعد تخرجي اكتشفت انه مش انسان سوي ومش طبيعي في كل حاجه وصدمتي الاكبر ان ابوه وامه واخواته كانوا يعرفوا ده وبيعانوا منه وفكره انهم يجوزوه يمكن يتصلح حاله ولكنه كان بيعاني نفسيا بسبب ظروف في عائلته ولما اتعرضت للضرب حتي الارتجاج والاهانه طلبت الانفصال في الوقت ده تحقق ليا حلم الامومه وجبت اول ولد ليا وبعدها علي طول تاني ولد فقفلت حياتي عليهم وكونت معاهم اسره سعيده وكانوا اصحابي ورجالتي ومشينا مع بعض رحله الحياه متجاهلين كل تصرفات ابوهم المؤذيه لي ولهم لدرجه في لحظه هياج عصبي له كسر قدم الابن الاكبر وهو في سن الابتدائي ومع ذلك صبرت واستحملت وحتي المشاركه في مصاريفنا منعدمه لتركه العمل لاحساسه بالاضطهاد من زمايله في العمل ووجود ابي بجانبي وحنيته المضلله عليا انا وولادي هو اللي كان مصبرني ولكن جاء اليوم لفقدان ابي وبعد ان توفاه الله كنت محطمه نفسيا ومعنويا وساءت علاقتي بزوجي اكتر وماتحملتش معاشرته اكتر من كدا الي ان تم الانفصال واتنازلت عن كل حقوقي وحقوق اولادي منه وعشت معاهم مضلله عليهم وهما بيكبروا قدامي احلي زهرتين في حياتي ونسيت نفسي معاهم وزهدت الدنيا واكتفيت بسعادتي معاهم الي ان اتموا دراسه الثانويه العامه ودخلوا الاتنين كليه الهندسه وسعدت بيهم جدا وفجأة ظهر قدامي شخص مناسب يريد الارتباط بيا ولكني كنت مقفوله ولكنه لم ييأس وتقرب لاولادي وهو يصغرني بسنتين وبعد فتره شعرت بالارتياح فقررت اني اوافق علي الزواج منه وصارحت الاولاد وبدا عليهم الموافقه في الاول فاتممت الزواج ولكن بعدها طهر ابوهم بكم الشر والغل والكراهيه ونقل اللي جواه للاولاد واستعملهم لمحاربتي فتركوني وقعدوا معاه واعطاهم مبالغ كبيره من المال علشان يستعملهم ضدي بكل الاساليب المنحطه من ضرب وشتيمه والخوض في شرفي امام الناس وتكسير ممتلكاتي السياره والمنزل ولم يكتفوا بهذا بل ضربوا زوجي واهانوه علشان يزهق مني ويطلقني لكنه اتحمل معايا المعاناه الماديه والنفسية ولم يصدر منه اي عداوه ليهم ويكتفي بانه يدعلهم بالهدي ويخفف من عليا ويحتويني وبجد كان احن زوج وحسيت ان ربنا كافئني بيه بعد صبري وخفف عليا ازمتي مع اولادي وبعد ما ابوهم مالاقاش فايده من اللي بيعمله معايا حرمهم عليا وفضلت ٦ سنين واحنا في بلد واحده ماعرفش عنهم حاجه ولا عيني بتقع عليهم واتحرمت منهم حرمان كامل وعلمت انهم خطبوا وكنت اتألم من حرماني اني حتي افرح بيهم وعندما اشتدت الوجع قررت اعمل عمره كي اهدي وادعيلهم بالهدايا وسبحان الله بمجرد رجوعي من العمره بتلات شهور فوجئت باتصالهم بيا نادمين وبيراضوني واترموا في حضني كان الست سنين اتمحوا من ذاكرتي وسعدت بيهم جدا وعلمت انهم عانوا كتير من ابوهم وزلهم وطردهم وحرمهم من المصاريف وكانوا بيشتغلوا علشان يصرفوا علي نفسهم وبمجرد رجوعهم ليا احتويتهم وجوزتهم الاتنين وبقيت جده لاجمل حفيد ومعايا زوجي اللي ماسبنيش لحظه وكان سندي وراجلي وكل حاجه في حياتي وانا دلوقتي بكتب قصتي وانا واقفه علي رجلي وواحده جديده مرموقه في وظيفتي ووسط اسرتي واولادي وحفيدي ومعايا احن واطيب زوج في العالم الحمدلله ??
Viewing 0 reply threads