شاركي قصتك
تحديث قبل 3 سنوات، شهر 1 الأعضاء · 1
مشاركة 
من ساعه مااتخرجت وانا حاسه انى تايهه اشتغلت حجات مجال دراستى وغير حجات تانى
بس مكنتش بحس نفسي فيهم كنت دايما بقول لنفسي انتى مكانك مش هنا
لحد ما فقدت الامل واليوم دا كنت مكتئبه جدا وشوفت اعلان شغل وقدمت
روحت الانترفيو وانقلبت فى نفس اليوم
وروحت استلمت من تانى يوم
كنت رايحه شغل it بس وقتها تيم ليدر بتاع السوشيال ميديا كان مشي وعرضوا عليا أمسك شغل لحد مايحيبوا حد كنت باخد فايلات العملاء اذاكرها ف البيت لمده اسبوع مش بنام قدرت الحمد لله احل معظم المشاكل اللى كانت مع العملاء واتعلمت شغل وكملت فيه
لحد ما بقيت اخد كورسات اونلاين واتعلم اكتر عن ماركتنج وفهمت شويه حلوين وروحت قولت لهم الطريقة اللى بنشتغل بيها غلط عشان كدا العملاء بتمشي وبيحصل مشاكل
وتعرضت لطريقه معامله وحشه لمجرد انى بقول الصح ايه ويدافع ع حقى لما اتغلط فيا ووصلت لأن قيادة ف الشغل قالى انتى فاشله
قولت له انا مش فاشله
قالى لو مش فاشله مكنش زمانك بتشتغلى هنا
ودى كانت نقطه البدايه انى أثبت لنفسي انى مش فاشله ولكل اللى حواليا
وحاليا الحمد لله بشتغل Account manager فى شركه مع ناس اعرفهم اسسنا الشركه سوا وعانيت كتير لحد ماجمعنا تيم شبهنا يقدر يصدق أننا ممكن ننجح اى مكان طالما عايزين نكون ناجحين
وصلت لمرحلة من الرضا عن النفس كبيرة ناس كتير اوى ساعدونا وغيروا فيا صفات للاحسن اتعلمت اعتمد ع نفسي اكتر واتعلمت ابقى قائد ناجح تيم بتاعه بيثق فيه اتعلمت اتصرف بحكمه وازاى اتعامل مع كل انواع الناس
Viewing 0 reply threads