شاركي قصتك
تحديث قبل 3 سنوات 1 الأعضاء · 1
مشاركة 
من يوم ما رجعت مصر و أنا بزعل اوي على أوضاع الناس.. و بحاول أساعدهم على اد ما أقدر.. بحاول أكون عنصر فعال يخدم مجتمعه
دخلت صيدلة و اتعلمت إعطاء كافة أنواع الحقن و تعليق المحاليل و أنا في سنة اولى.. عشان أساعد أهل قريتي وفعلا كنت بعمل دا في اوقات كتير بشكل تطوعي…
حاولت أطور من نفسي كتير.. و اخدم في مجالات مجتمعية مختلفة
اتجوزت.. و اتخرجت.. و خلفت وبمعايير المجتمع اللي انا فيه الحياة غالبا بتقف على كدا،، بس انا كملت الحمدلله وحققت حلمي الأول البسيط وفتحت صيدلية ليا..
بس طبعاََ اتفاجئت بمشاكل كتير في المنظومة الدوائية شوفتها من خلال شغلي في الصيدلة…
الناس بتلف كتير اوي عشان تلاقي دواء.. و كتير يكونوا مضطرين يشتروه باضعاف تمنه.. فكرت إزاي أحل المشكلة دي
لغاية ما وصلت لفكرة حبيت اسيب بيها بصمة في حياة الناس
و هي ابلكيشن “هتلاقي دواك”
إللي فيه بحاول أحل مشاكل توفير الأدوية من البداية للنهايه
هو تطبيق مجاني تماما للقضاء على نواقص الأدوية في مصر عن طريق الربط بين مخازن الأدوية و الصيادلة و المريض بطريقه منفصلة و منظمة و يقدم خدمات كتير لكل فئة
كمان تقدر تدور على العلاج على مستوى الجمهورية وكمان تقدر تطلب استشارة طبية بشكل مجاني
و دي حاجة مهمة جدا دلوقتي في زمن ال كورونا وهيكون في متطوعين من صيادلة مصر العظماء…
اختكم هناء من مركز الوسطى ببني سويف
Viewing 0 reply threads