شاركي قصتك
تحديث قبل 3 سنوات 1 الأعضاء · 1
مشاركة 
انا هحكلكو حكاية صغيرة مش لامي هتكون لحماتي امي الثانية
زوجي الغالي كان معاة دبلوم صنايع و بعد ما خلص الدبلوم قرر انو يذاكر ثانوية عامة منازل يعني يذاكر 3 سنين تاني ثانوية عامة عشان بعد كدة يدخل كلية و يبقي معايا شهادة جامعية
و دة طبعا كلة بتشجيع حماتي و امي الثانية
و بالفعل ابتدي الرحلة و كل دة بمساعدة امي الثانية
و بالفعل خلص ثانوية عامة و جاب 84 % و دخل كلية الاداب قسم اللغة العبرية و خلص الكلية و معاة دلوقتي ليسانس أداب من جامعة عين شمس و بالمناسبة اللي كان جايب فوق ال 80 % كان بياخد 83.60 جنية من الكلية و دي مكأفاة متفوقي الثانوية العامة
و دلوقتي هيعمل دبلومة و ادعولو بقي عشان رحلتو تكمل علي خير .
في الاخر انا عايز اقولكم ان الام نعمة من عند ربنا لا تعوض و بجد حماتي اللي هي امي الثانية ساعدتو كتير جدا في حياتو و كانت هي اللي بتدية القوة عشان يكمل شهادتة الجامعية و خالتو راجل بمعني الكلمة يقدر يعتمد علي نفسة في معارك الحياة
كل سنة و حماتي بصحة و عافية و بخير و ربنا يديها الصحة يااااااااارب و يرزقها الخير كلة
انا عايزة اقولكم انها كمان بتعاملني معاملة لا توصف بكلمات
بتعاملني معاملة و الله العظيم احسن من معاملة بنتها
ربنا يباركلي فيكي يا امي يارب
و كل سنة و كل امهات العالم بالف خير و سلام و سعادة
انا لو فوزت باي حاجة الجايزة طبعا هتكون لحماتي حببتي عشان تفرح شوية من اللي هي فية
انا علي اتم الاستعداد باي ورق من شهادات تخرج لزوجي و اي ورق لمرض حماتي لاثبات كلامي كلة
يعني اجيب شهادة الدبلوم لزوجي
و كمان شهادة الثانوية العامة
و كمان شهادة الليسانس
و كمان ورق حماتي لاثبات المرض
و في النهاية انا عايزة اشكركم علي هذة المسابقة الرائعة اللي بتخلونا فيها نقدر كل اللي بيتعبو في حياتهم عشان خاطر اولادهم
بجد شكرا
شكرا يا حماتي يا اغلي من عنيا
شكرا يا اغلي من نفسي
انا بحبك اوي
انا لو كسبت ان شاء الله هجبها معايا ان شاء الله
بس هي عملت عملية و تم استئصال الثدي و هي الحمد لله احسن شوية من الاول
ادعولها و النبي ان ربنا يكمل شفاها علي خير
❤️كل سنة وكل أم بخير ?وربنا يحفظها ويديها الصحة والعافية ويبارك فيها ويخليها لاولادها ..?
????ربنا يبارك في عمركم يارب????
? وربنا يصبر كل من فقد أمة يارب
Viewing 0 reply threads