شاركي قصتك
تحديث قبل 3 سنوات 1 الأعضاء · 1
مشاركة 
رفيده المدنى
عمرى١١ سنه
حلمى أكون أصغر مذيعه في مصر…. أقدم أول برنامج توك شو تلفزيونى للأطفال
يتكلم عن أحلام الاطفال ومشاكلهم ..يقدمه أطفال واللى يعمل التقارير أطفال..
إحنا الأطفال اللى نشارك في تقديم محتوى البرنامج.
حلمى احاور مسؤولين فى جهات ومؤسسات حكومية.
حلمى أنى أعبر عن صوت كل طفل فى مصر أعبر عن حلمه …..ومشكلته . إحنا الأطفال نعبر عن نفسنا
حلمى احاور مشاهير الإعلام واكون أول طفله مذيعه تحاور إعلاميين كبار.
حلمى أعمل تغطيه لفعاليات ومهرجانات واشارك بشكل احترافي ومميز فى التغطيه.
بدءت من ٢٠١٨تدريب ونزلت عملت تقارير فى محافظات مصر المختلفه وجهزت برنامج كامل بس للأسف متذاعيش وكل تعبى ومجهودى راح
طبعا زعلت جدا ???حسيت أنى فشلت بس حاولت اتحدى واكمل واوصل لحلمى
كان دايما رد فعل شركات الإنتاج أو القنوات اللى بعرض عليها شغلى …. مافيش مسؤل ممكن يقبل يحاور طفل ولا هتلاقى حد من مشاهير الإعلام يوافق تحاوريه ….حلمك صعب الوصول …..حلمك مستحيل…. موهبتك لوحدها مش كفايه…..الواقع بيقول أنه مستحيل ???
بس أنا مستسلمتيش وحاولت والبداية كانت في ٢٠٢٠ أنى أحاول ابدء أولى خطوات تحقيق الحلم
حاورت الاعلاميه دعاء عامر❤️❤️
أول اعلاميه تدعمنى وتوافق أنى احاورها
استضافتنى فى بيتها وعملت معاها ٣حلقات فى رمضان ٢٠٢٠ على قناتى على اليوتيوب واتكلمت معاها عن الفرق بين رمضان زمان ورمضان دلوقتى
حاورت استاذه إيناس جوهر ملكه الميكروفون❤️❤️
على الراديو وكان حوار كله حب من أستاذه لتلميذتها
دعمتنى وشجعتنى واقتنعت بموهبتى….حوار عن حياتها وإنجازاتها وأحلامها اللى نفسها تتحقق
قدمت فقره الطفل المذيع على قناهdmc??وكنت أول طفله مذيعه تقدم فقره الطفل المذيع وتحاور مسؤل من وزاره التضامن الاجتماعي عن مبادرة أطفال بلا مأوى فى
الفضل كان للاعلاميه داليا أشرف ❤️❤️
ومشروعها الطفل المذيع اللى اتحدت بيه الجميع…اقتنعت إن فيه طفل مذيع يقدر يحاور ويقدم فقره فى برنامج 8 الصبح…..طفل يبحث عن انجازات ومشروعات الدولة ويعرفها ….طفل النهارده هوا المستقبل.
داليا أشرف ❤️❤️
أول اعلاميه تكون السبب أنى أظهر على شاشه التلفزيون واقدم فقره على الهواء مباشرة فى قناه كبيرهdmc وبرنامج مهم جدا#8_الصبح
وأخيرا ….حاورت د هشام عزمى الأمين العام للمجلس الأعلى للثقافه ❤️❤️
عن جائزه الدوله للمبدع الصغير التى أطلقتها السيده الفاضله إنتصار السيسى.
كان حلم صعب جدااااا طبعا
ازاى طفل يحاور قيمه وقامه علميه وثقافيه كبيره جدا ….د هشام عزمى يدير أهم مؤسسة ثقافية تتبع وزاره الثقافه. بس الحلم اتحقق وحاورت د هشام ودا كان سبب إن طموحى يزيد اكتر …. وإن الحلم المستحيل ممكن يتحقق
أتمنى أحاور السيده الفاضله إنتصار السيسى حلمى ونفسى يتحقق ????
Viewing 0 reply threads