شاركي قصتك
تحديث قبل 3 سنوات 1 الأعضاء · 1
مشاركة 
كلنا بنمر بظروف صعبه ف حياتنا بس الموضوع بالنسبالي كان مختلف ابتدي من الطفوله من أولي ابتدائي لما اتخطفت وكانت اول مره أواجه الدنيا دي تريقه من بعد م لقوني وتنمر وضحك وقد ايه انا مغفله بالرغم انا كنت ف أولي ابتدائي ومن هنا ابتدت وحدتي وكرهي للحياه بسبب موقف انا مليش ذنب فيه كنت علي طول بعيط لوحدي ومبعرفش اكلم حد ولا كونت صداقات كنت وحيده تماما وبكره الحياه تماما لحد م وصلت تالته اعدادي كنت علي هذا النمط كل الفتره دي م بين أولي ابتدائي لحد تالته اعدادي كانت كلها وحده وعياط ووجع وميول انتحاريه طول الوقت نفسي اموت مع اني طفله لحد م جه شعاع أمل وانا ف تالته اعدادي روحت كورس للمراهقات مع كوتش لطيفه جدا وابتديت اكتشف نفسي واحب نفسي ومن بعدها ابتديت اشوف نفسي وبعدت عن فكره الانتحار وابتديت اخطط لمستقبلي وكل فتره اكتشف حاجه جديده ف ذاتي ودي احلي حاجه ف رحله حياتك طول م انت ماشي لتكتشف حاجه جديده مكنتش تعرفها ف نفسك وبعدها كتبت هدف اني نفسي ادخل كليه اداره الاعمال و اشتغلت في شركه في مجال الماركتينج وانا ف تانيه ثانوي ومضيعتش وقت واخدت كورسات وابتديت أطور من نفسي حتي لو البيئه المحيطه بيا مش بتساعدني انا بساعد نفسي وابتديت اكتب كل اهدافي علي الحيطه في أهداف وصلتلها وفي اهداف بسعي ليها ولكن انا واثقه اني هوصلها وحقيقي عوض ربنا بيجي فالوقت المناسب والكوتش دي هيا اللي اخدتني لبر الأمان أنا مدينه ليها بكل الحب❤️❤️حاليا انا داخله تالته ثانوي ويخطط لأهداف جديده. نصيحتي لكل أب وأم انا واثقه أن انتو بتحبوا ولادكوا لكن في مواقف بتحصل مع ولادنا احنا منعرفهاش في مشاعر هما بيحسوا بيها احنا منعرفهاش ياريت نرأف بيهم ألاودك لم يختاروك فكن لهم صدفه جميله❤️❤️
Viewing 0 reply threads