شاركي قصتك
تحديث قبل 3 سنوات، شهر 1 الأعضاء · 1
مشاركة 
كنت فى رابعه ابتدائى وسافرت بره مصر بحكم عمل والدى واكيد كل بلد بعادتها وتقاليدها المختلفه بتأثر فيك(مع العلم دى دوله عربيه برضو مسلمه)،خصوصا لما تقعد فتره كبيره وتيجي ترجع لبلدك بتتفأجى بحاجات كتير اولها تفكير الناس والبيئه اللى عايش فيها واستايل اللبس حتى لو محترم لازم تلاقى ناس بتنتقد فيك عشان بس مش شبههم مش اكتر عشان مستغربينك بس انت مش غلط، بتضطر تحاول تتأقلم معاهم او تعودهم عليم انك كدا ودا انت ولازم يتقبلوك او ميتقبلوش شئ يرجع ليهم،لكن انا تعبت شويه فى محاوله انى اخد على الوضع وتفكير الناس المختلف تماما ،يعتبر لسه بحاول لكن قطعت خطوه كبيره فى انى احكى للى حواليا عن الناس هناك فى البلد التانى عامله ازاى واعيشهم جو الاثاره اكنهم سافروا بالضبط اعرفهم ان الاختلاف تميز ومش معنى انى مختلف شويه عن اللى حواليا يبقى اخد جنب وارجع للمكان اللى كنت فيه ،حاولت اخد خطوه انى اسافر لوحدى لبلدى مصر عشان اكمل دراستى الجامعية بعيد عن الوالدين بس مع بقيت العيله العم وما الى ذلك والحمد الله سافرت لوحدى ف وقت يكاد صعب وقت الكورونا وقبلها اصيبت بكورونا منعتنى من السفر وكنت فى حاله زعل شديده ان السفر اتلغى وانى ممكن ما احققش اللى نفسي فيه لكن مر شهر ولله الحمد سافرت بعد التعافى والإجراءات ما خلصت وقدرت احقق الاعتماد على النفس واثبت لكل اللى حواليا انى اقدر اتغير واوصل بنفسي بالرغم م اللى بيقابلنا ويحصل لنا او يكفى انى فى نظر نفسي محاولاتى نجحت وما فشلتش زى مرات كتير فاتت، اتعلمت ازاى اكون متصالحه مع نفسي وارضي بالوضع والامر الواقع حتى لو مش عاجبنى مؤمنه انى هااقدر اغير اللى مش عاجبنى بس بعد شويه من الزمن والوقت بيصلح كل حاجه،ومبسوطه بكل لحظه مرت عليا وانا زعلانه وكل شخص خذلنى والاختلافات بين العالمين دول والمعاناه فى فهم وتفهم الناس لانهم جعلوا منى شخص اقوى قادر يحقق ذاته♥️
Viewing 0 reply threads