شاركي قصتك
تحديث قبل 3 سنوات، شهر 1 الأعضاء · 1
مشاركة 
وانا عندي ١٢ سنة كان حلمي ابقي مذيعة بدأت اشارك في إذاعة لمدرسة لحد ما خدت جائزة أفضل رئيس تحرير جريدة علي مستوي الجمهورية وانا في تانية اعدادي زعلت اوي وقتها أنهم مقدروش موهبتنا واول مقابلة مع حد من وزارة التربية والتعليم قولتله ليه مبتهتموش بالمواهب وحكيتله اداني كارت فيه رقمه وقالي كلميني قعدت اتصل كتير ومردش روحت رايحة مكتبه وفضلت قاعدة مستنية من ٨ونص الصبح لحد ٢ ونص العصر لحد ما وصل صحفي في اخبار اليوم الساعة ١٢ ولقاني في المكتب سألني علي المسئول ده قولتله أنه مش موجود عرفني بنفسه روحت قولتله قصتي واني مش لاقي اهتمام وبحب الصحافة وفاجئني اني لو عملت الحوار حلو هينشره في الجريدة ولما دخلت اعمل الحوار مع المسئول قالي هتكوني اصغر واشطر صحفية عدت الايام وسلمت الحوار ونزل فرحت با اول حوار عليه صورتي
بعدين بدأت انزل تدريب في اخبار اليوم وانا عندي ١٤ سنة لحد ما روحت موقع الفجر وخدت افضل مراسلة في الفجر الفني وانا عندي ١٦ سنة وفضلت اعافر ويضحكوا عليا ويقولوا ديه عيلة لحد ما اشتغلت في اهم البرامج الفنية زي أراب وود واون اسكرين وكنت بعيط كتير كان بيصعب عليا تريقتهم عليا وعلي سني وكنت كارهة سني جدا لحد ما بقيت ١٨ سنة رئيس قسم الفن في مجلة فنية برة مصر اتبسطت جدا جدا وحققت نجاحا فيها وبعدها روحت انسيدر بالعربي اهم برنامج فني ومستمرة فيه لحد دلوقتي اي نعم بزعل اني لما جتلي فرصة اكون مذيعة قدمت برنامج في قناة صغير بس عندي أمل كبير وهعافر لحد ما يكون عندي افضل برنامج في أفضل قناة
السن مجرد رقم اوعي تيأس حدد هدفك وهتلاقي ربنا بيكرمك ❤️❤️
Viewing 0 reply threads