شاركي قصتك
تحديث قبل 3 سنوات، شهر 1 الأعضاء · 1
مشاركة 
انا منار سعيد عندي 25 سنه .<div> عندي طفرة جينيه وانا الوحيده الي في مصر الي عندها الحاجه دي ، وعلي مستوي العالم ٥٠٠ بس .</div><div>متخرجة من كلية أصول الدين قسم عقيدة و فلسفه جامعة الأزهر وحاليا تمهيدي ماجستير في جامعة الأزهر ، وبحضر ماجستير في جامعة عين شمس في علوم البيئة .</div><div>أخدت دبلومة في الهندي من السفارة الهنديه ، اخدت الماني وانجليزي مع نفسي . </div><div>
</div><div> اتعرضت لحاجات كتير جدا صعبه وتريقه واستخفاف وتجاهل من الناس بسبب المرض الي عندي ، بس انا واجهت كل ده وقدرت انجح في حياتي وقدرت اواجه المجتمع بضحكتي .</div><div>مكنتش هوصل لأى حاجه في حياتي الا بوجود ماما جنبي الا بثقتها فيا وإيمانها الكبير أن وجودي مهم في العالم، ماما هي سبب الخير اللي في حياتي كله، دور ماما كان كبير جدا جدا لدرجة اني مقدر اعبر عنه بكلام. من الحاجات البسيطه اللي قدرت اوصلها ✌️ </div><div>تم تصنيفي في ٢٠٢٠ من ٤٠ سيدة مؤثرة في الوطن العربي ، عملت مقالات كتير في سيدتي ، عملت فيديوهاات علشان اقدر اغير التفكير بتاع الناس شوية ، يمكن منجحتش بنسبة ١٠٠% بس علي الاقل بحاول .</div><div> اتكرمت من الرئيس في المؤتمر السابع للشباب .</div><div>عملت مشروع الخاص بيا co Working space وكان اسمه بهجة وفكرته انه يكون مكان ممهد للاشخاص من ذوي الهمم وقدرت اساعد ناس كتير للشغل .</div><div>عملت مبادرة حاسب لتكسر ، وكانت المهمة بتاعتها أنها توضح قد ايه الكلمة خطيرة وتؤثر في النفوس بشكل سلبي أو إيجابي .</div><div>عملت مبادرة وسمتها مجرد حدوته وكتبت فيها قصص للاشخاص من ذوي الهمم وازاي قدروا ينجحوا في حياتهم وخليت الأشخاص دول يكونوا سبب في انهم يدوا طاقة للناس العاديه ، المبادرة كانت سبب ان ناس كتير منهم توصل للاعلام والميديا ، ناس تشتغل ناس توصل صوتها ، فانا حاسه اني نجحت بسببهم الحمدلله .</div><div>
</div><div>اول وزيرة للسعادة في مصر ❤️ دي وظيفتي في المجتمع نشر السعادة .</div>
Viewing 0 reply threads