الرئيسية المنتديات شاركي قصتك واحده جديده بعد الورم

  • شاركي قصتك

    Hala Kamel تحديث قبل سنتين، 12 شهر 1 الأعضاء · 1 مشاركة
    • Hala Kamel

      مشارك
      3 أبريل، 2021 الساعة 3:54 ص

      فعلا بقيت واحده جديده بعد عمليه استئصال ورم من الغده الدرقيه

      ودايما لما بشوف علامته فى رقبتى بحس بقوتى وكرم ربنا عليه

      اتجوزت من 7 سنين وعشت اسوء ايام حياتى مع شخص مهمل انانى غير مسؤل سابنى حامل فى ست شهور وسافر ورمانى عند اهلى وخد الشقه وبقيت من غير بيت ولا زوج فجأه لقيت نفسى ام مسؤله عن طفل لوحدى ووقتها عرفت انى مصابه بورم فى رقبتى ولازم اعمل عمليه اجلتها سنتين علشان ابنى عشت لوحدى مع ابنى اشتغل واربى واصرف علشان جوزى اللى قرر يغيب مع حد تانى علشان مراته طلعت مريضه وهو حقه يشوف نفسه ولما كبر بقى سنتين ونص وسمعت كلمه ماما قررت اعمل العمليه واستلفت تمنها من كل معارفى وعملتها لوحدى زى ما ولدت لوحدى وطلع الورم حميد مش خبيث زى الاشعه ما قالت وربنا كاتبلى عمر جديد بس عشت مريضه غده درقيه واتوقف الحرق وجسمى تخن جدا بقيت 90 ك بعد ما كتت 60 فى اقل من سنه ورجع جوزى تانى ليه اسبوعين وخلفت منه بنتى وقررت اخلف منه علشان ابنى ميكنش وحيد وعلشان كل الدكاتره قالوا نسبه انك تخلفى تانى مش كبيره بس ربنا كرمه اكبر والمره دى اشتغلت وصرفت على عيالى لانه شهر وقرر يسافر تانى بس المره دى قطع خالص وعملى بلوك من كل حاجه لان الحمل كان غصب عنه قالى اختارى تنزلى اللى فى بطنك او تشليهم هما الاثنين ومالكيش عندى مصاريف ولا شقه طبعا اتمسكت بالحمل وولدت لوحدى وبعد الولاده قررت اكون واحده جديده واخرج من حزنى ويأسى واقدر هديه ربنا ليه ولادى اكرم وكارما وارجع تانى لحياتى اشتغلت وربيت ولادى خسيت ورجعت 70 ك وخلعت جوزى بعد ما شفته بعينى مع حد تانى وقالى ربنا عوضنى بالانضف منك يا عره النسوان وحاليا انا 35 سنه وزنى 70 ك محافظه على وزنى وشكلى بشتغل من البيت علشان ولادى اجرت شقه وعملت بيت لولادى ولسه واحده واحده برجع اللى ضاع منى وسعيده اوى انى بقيت اقوى من الاول وهدفى انى ارجع كل اللى ضاع منى واعرف اربى ولادى لوحدى ?

Viewing 0 reply threads
الرد: Hala Kamel
المعلومات الخاصة بك:

إلغاء
Start of Discussion
0 من 0 منشورات حزيران / يونيه 2018
الآن