الرئيسية المنتديات شاركي قصتك واحدة جديدة

  • شاركي قصتك

    Sama Fahim تحديث قبل 3 سنوات 1 الأعضاء · 1 مشاركة
    • Sama Fahim

      مشارك
      23 مارس، 2021 الساعة 8:15 م

      ٢٠١٤ اتخطبت صالونات مكنتش تحسن حاجه حصلت لي بس بسبب ضغط الأهل وافقت مكنتش مبسوطه وبالتالي من اقل من سنه انفصلت بس ربنا رزقني بطفل وكان كل تفكيري اني اتجوزت بس علشان ربنا يرزقني بسبب لوجودي ف الحياه قبل كل ده انا كنت شخص مش بيتعامل مقفول عليه تايهه ميعرفش نفسه بالمره ضعيف خجول معندوش ثقه لا يفقه ف الحياه اي شيء والطلاق كان نقطه التحول ف البدايه كان هاجس كلام الناس متعب ومؤلم خاصه ان كنت ٢٥ سنه وبطفل ! اتحديت نفسي وقررت استقل واعيش في بيتي علشان ابني يعيش في بيئه مستقله مش بيت جدته الموضوع مكنش سهل عليهم بس مستسلمتش بشتغل الحمدالله أبوه مكنش لطيف ف المصاريف ف تجاهلته تماما وتوليت مسؤوليتي ومسؤوليه ابني كمان كنت بتعب كتير واكتئب وازعل وكنت اتمني اقدر اعيش ف سعاده واعمل اسره كويسه ويكون لابني اخوات بس الحمدالله مش هقول أن مافيش فرص جت بس الموضوع كان مرعب أن تكرره وأما ناويت ملاقتش ال بيتقبلني كبدج ويحارب الأفكار البشعه عن الطلاق والمطلقات فقررت أني مش محتاجه اكرر الغلط واني كفايه انا وابني نكون اسره وسند وونس لبعض اعتزلت فتره الناس مكنتش حباهم و وبخاف منهم حقيقي بس قررت احاول اعمل كل حاجه وكفايه بقي بدءت اسافر وطبعا كان كله شايف ده انحلال بس صممت سافرت لاول مره بدون اهلي ومع اصحابي وده كان تحدي وحبيت الفكره وغيرت فيا كتير ومع الوقت اكتشفت فيا حاجات كتير ومنهم اني بحب التصوير بدءت انزل أيام كرونا واصور اسكندريه وبدءت صور تنتشر وصفحات تشبريها ومع الوقت بقيت اشترك في معارض منهم معرض ف ساقيه الصاوي وقريب ليا معرض ف استاد اسكندريه ابني بيشاركني كل ده وبدء يحب التصوير كمان واكتشفت أن لو ع التغير انا قادره اتغير ميه مره ومهما اتوجعت وتعبت واتخذلت ف حاجات حلوه ف المقابل هتحصل وكله من عند ربنا جميل ،

Viewing 0 reply threads
الرد: Sama Fahim
المعلومات الخاصة بك:

إلغاء
Start of Discussion
0 من 0 منشورات حزيران / يونيه 2018
الآن