شاركي قصتك
تحديث قبل 3 سنوات 1 الأعضاء · 1
مشاركة 
مونيكا صيدلانية من محافظة سوهاج دخلت كلية صيدلة طبقا للعادات والتقاليد فى الصعيد اللى بتجبر البنت على دراسة معينة بعد ماتخرجت ونجحت فى مجالى بس كنت فاقدة الشغف ناحية المهنة
بديت اتعلم اشتغل حاجات هاندميد من خلال نت والفيديوهات تجيب بعضها لغاية لما بديت تصميم وتصنيع حلى بنفسى وبديت اتواصل مع مدارس صناعة المجوهرات برة مصر واخدت كورسات فى كليات الفنون وكانوا بيستغربوا من فكرة كونى صيدلانية لشغفى واهتمامى بصناعة الحلى والمعادن وبعدها جاتلى فرصة انى اشتغل صنايعى عند مصممة حلى معروفة اشتغلت معاها وكانت اجمل ايام لانى اشتغلت فى المجال اللى بحبة على الرغم ناس كتير انتقدتنى علشان كنت صنايعى للاسف الورشة قفلت لظروف اقتصادية بديت اقدم فى مسابقات وخدت مراكز وتفوقت على طلبة فى كليات الفنون بعدين كان عندى نضارة شمس بس مكنتش بحبها ولما نزلت سالت اخصائيين البصريات قاللولى أن صناعتها مش كويسة واكتشفت أن احنا ماعندناش صناعة نضارات فى مصر فبدأت انزل ورش وعند اخصائيين البصريات لغاية لما عرفت الاساسيات فى صناعتها وبديت اعملها هاند ميد واول نضارة خدت ٣ شهور فى تنفيذها لكن لقيت تعاون وإيمان من الصنايعية بالفكرة لان نفسهم الصناعة ترجع تانى وفعلا حاليا بقى عندى براند لصناعة النضارات فى مصر وبقيت اول مصنعة مصرية النضارات فى مصر وحاليا بحلم أن يبقى عندنا مصنع فى مصر للصناعة دية ونصدر خصوصا انى بعتمد فى تصميماتى على تدخيل تراثنا الفرعونى والقبطى والإسلامي فدة يميزها عن المستورد
ايمانى بشغفى ساعدنى انى اقدر أواجة التحديات ولسة عندى تحديات اكبر واكتر بس بستمتع بكل لحظة فيها كتير بضعف وبقول مش هكمل بس لما بشوف النضارة بعد ماتخلص وفرحة العميل بيها برجع واقول لا هاكمل
Viewing 0 reply threads