الرئيسية المنتديات شاركي قصتك موظفة حكومية لكن مختلفة

  • شاركي قصتك

    نجوى تحديث قبل سنة، 8 أشهر 1 الأعضاء · 1 مشاركة
    • نجوى

      مشارك
      17 مارس، 2021 الساعة 3:48 م

      انا نجوى عندى ٣٣ سنة …اتخرجت ٢٠٠٩ من كلية زراعة جامعة اسكندرية كلى طاقة و أمل عايزة اشتغل و اخفف الحمل من على أهلى و عايزة انطلق و اتعلم حاجات مختلفة ….جتلى فرصة تعيين حقيقى هى بالواسطة لكن بعد لف و تعب و مش لاقية شغل فقولت تمام حقبل عشان اصرف على كورساتى من غير ما اتقل على والدى و فعلا استلمت الشغل فى أحد الهيئات الحكومية ….اول سنة كنت فى حالة صدمة ….اختلاف تمام بين دماغى و دماغ الناس …روتين قاتل …اى افكار جديدة بتُقابل بعدم الفهم و الاستغراب فى أحسن الحالات و فى اسوء الأحوال تُقابل بالاستهزاء ….اختلاف فى القيم و فى المبادئ …مش عارفة اتأقلم مش عارفة اتعامل و فى نفس الوقت إصرار منى قوى جدا على عدم التخلى عن قيمى و مبادئى ….قررت أوجهه طاقتى فى الاتجاه الصح و بدأت أخد كورسات رفضاً منى انى اكون نسخة من الموظف الحكومى الغلبان السلبى الشكّاى اللي مابيراعيش ضميره فى شغله و يرجع يشتكى من العيشة و اللي عيشتها ….اتمسكت بالصح و باللي اتربيت عليه عاملت ربنا فى شغلى رغم عدم وجود أى حافز أو تشجيع بل و الاسوء هى مواجهة الحرب و الضغط لاتحول لنسخة الموظف الزومبي ?…..مريت بتحديات كبيرة و الحمد لله عديت منها عشان ربنا كان معاية فى كل خطوة …..طلعت كل طاقتى فى الدراسة درست تنمية بشرية و إدارة موارد بشرية و كوتشينج و علوم إدارية مختلفة ….صرفت تقريبا كل مرتبى على مدار عشر سنين على الكورسات و الكتب و فى نفس الوقت اتجوزت و كونت أسرة …ذاكرت و انا بشتغل و حامل و ذاكرت و انا لسة والدة و كملت حتى و انا معاية ولدين الفرق بينهم سنتين فقط …….قدرت أثبت نفسى بشخصيتى زى ما هى من غير ما اتحول لزومبى…….دخلت مجال التدريب و حصلت على دبلومة تدريب مدربين من الأكاديمية العربية للعلوم والتكنولوجيا فى الاسكندرية ……قدرت انى اقنع رؤسائى أننا ندخل مجال تدريب المهارات الشخصية soft skills و بالفعل بدأت اعمل تدريب لزمايلى على المهارات الشخصية اللي محتاجينها ……بعد سنين اتعرضت فيها للاستهزاء بدراستى و بفكرى و بأفكارى لمجرد أنها مختلفة عنهم بقيت اصغر موظفة بتدى محاضرات فى الهيئة ………مبسوطة بكل إنجاز صغير…مبسوطة و بحمد ربنا انى ثبت على قيمى و مبادئى….بحمد ربنا على الامل المتجدد دائما رغم كل التحديات و الاحباطات اللي اتعرضتلها?

Viewing 0 reply threads
الرد: نجوى
المعلومات الخاصة بك:

إلغاء
Start of Discussion
0 من 0 منشورات حزيران / يونيه 2018
الآن