الرئيسية المنتديات شاركي قصتك من الظلمة يخرج النور

  • شاركي قصتك

    Farha تحديث قبل 3 سنوات 1 الأعضاء · 1 مشاركة
    • Farha

      مشارك
      21 مارس، 2021 الساعة 1:41 م

      أولا أنا واحدة من أسرة متوسطة وشخصية بتحب التعليم وكنت بجيب درجات حلوة المهم انى دخلت ثانوية عامة وبعد ماانهيت سنة أولى ثانوى وفى إجازة آخر السنة أتقدم لخطبتى وأحد اكبر منى ب١٤ سنة فى الأول أنا رفضت وقلت لعيلتى أنا مش عاوزة اتجوز أنا عاوزة أكمل تعليمى لكن ابويا عجزنى وقالى إنه مش هيكملى تعليمى واخرى ثالثة ثانوى لكن امى تدخلت وقالتلى مش ممكن لو اتخطبتى هو يوافق إنك تكملى فأنا وافقت علشان أكمل تعليمى وبعد مابدات السنة الدراسية الجدبدة وأنا بدأت أروح المدرسة وكنا خلاص الخطوبة فى آخرها وداخلين على الجواز وقاللى إنه كفاية مافيش مدرسة تانى واهلى كمان وافقوا على قراره وأنا كنت حبيته وكان عندى ١٦سنة ومش عارفة الصح من الغلط المهم اتجوزت وبدأت تظهر عيوبه وإنه مش كويس ومن المواقف المضحكة إنه كان بيقولى أنا فى تعليمى أعلى منك انتى مفروض اعدادى بس والله وبكل دمعة عين كانت بتنزل بوجع من عمايله ماقدرتش وكمان كان فى سبب أساسى فى الجواز فدا ساعدنى إنه يبقى معايا الحق فى انى اطلق بس ابى ماكنش مقتنع انى هطلق علشان بيشتمنى ولا علشان انى قلبى موجوع لانى حبيته واكتشفت إنه اخدنى علشان يقولو اهو واحدة صغيرة وافقت عليه وكمان سابت تعليمها علشانه المهم اطلقت بعد ماكملت ١٨ وبقيت حرة وفى الوقت دا قدرت انى ارجع لدراستى واكمل وأنا دلوقتى فى تانية جامعة والحمدلله بقى عندى طاقة ايجابية تكفى الدنيا كلها وبقى أى مشكلة توجهنى بقف قدامها صح أنا جبت فى ثانوية عامة %90 ودخلت تربية انجليزى وانشاء الله هبقى أحسن مترجمة وناوية بإذن الله أكمل دراسة فى حقوق انجليزي واساعد أى واحدة اتجرحت لانها مش قادرة توقف قصاد المجتمع وتخطيت لقب مطلقة

Viewing 0 reply threads
الرد: Farha
المعلومات الخاصة بك:

إلغاء
Start of Discussion
0 من 0 منشورات حزيران / يونيه 2018
الآن