الرئيسية المنتديات شاركي قصتك مآساتى المضحكه

  • شاركي قصتك

    دينا تحديث قبل 3 سنوات 1 الأعضاء · 1 مشاركة
    • دينا

      مشارك
      19 مارس، 2021 الساعة 3:34 ص

      اتولدت فى بيت منصف للذكر على حساب الانثى ومع ان مكنش فى ولد ساعتها والمفروض انى كنت اول فرحهتم بس انا فهمت ده رغم سنى الصغير وحسيت انه عيب فيا وفضلت دايما فى محاولات انى اثبت كمالى كبنت وانى اقدر استحمل واتحمل اى مهمه تسند ليا الولد اللى اشوفه بيطلب حاجه حلوه انا لأ مبطلبش وحتى لو اتقدمتلى ارفض فأبقي أشرف ومؤدبه ويتخرج بيا فى اى مكان وحاجات كتير من النوع ده تحدى انى اقدر لحد ما فى سن الخمس سنين جالى اخ ولد وكل اللى عملته من تحمل مسؤليه وإيثار راح ادراج الرياح طبعاً انا وقتها مكنتش مرتبه الاحداث زى دلوقتى بس هو كان احساس بيملى على اعمل ايه وازاى وطبعاً كبرت المسؤليات واصبحت مسؤله مش بس عن خدمته لكن عن سعادته اللى أصبحت أولويات فى بيتنا وكملت وشيلت مسؤليته جوه البيت وفى المدرسه وفى لعبه وحتى لما يغلط اتسأل سؤال عمرى ماعرفت ارد عليه وانت كنتى فين

      وبعد محولات لأنجاب اكتر من ولد فشلت كلها بس اخر محاوله نجحت وجابولى هديه جميله و طبعاً من غير مايقصدو وشرفت حبيبتي اللى هونتى عليا كتير بس كان فى تميز برده اصلها جت بملامح غربيه شويه عكسنا شعر فاتح وبشره بيضاء فأصبح فى تميز بس من نوع اخر بس انا حبيتها قوى وحاولت دايما اخليها اسعد وأدعى انى نجحت فى ده ومع مرور الوقت اكتشفت ان التميز ده ضدى انا ضد شخصى مش بس نوعى لانه محصلش مع اختى وكملت الحياة بس مع كل قرار مصيري فى حياتى كان التمييز له كلمته اللى غالبا كانت بتهزمنى بس كنت بقف وأكمل وحولنى التمييز لمدافع شرس عن حقوق الست والبنت اللى عملى اعداء لا بأس بهم واولهم أهلى ومع كل ده انا ممتنه لمأساتى لانها عملت منى ام رحيمه وعادله وسط أولادى الولد زى البنت وأخت سند للاتنين مفرقتش بينهم عاملت الولد زى البنت الحمد لله ان الله أهلنى والهمنى لما انا عليه ورزقنى السلام النفسي صحيح الظروف اللى اتربيت فيها اثرت على مستقبلى وطموحى ولكن احمد الله أنى هذه الام والاخت والزوجة والصديقه وانى بهذا الكم من التفاؤل

      مآساتى المضحكه

Viewing 0 reply threads
الرد: دينا
المعلومات الخاصة بك:

إلغاء
Start of Discussion
0 من 0 منشورات حزيران / يونيه 2018
الآن