الرئيسية المنتديات شاركي قصتك كانيولا بينك?

  • شاركي قصتك

    Manal تحديث قبل سنة، 8 أشهر 1 الأعضاء · 1 مشاركة
    • Manal

      مشارك
      26 مارس، 2021 الساعة 3:17 م

      التغير الجذري في حياتي وتفكيري كله بدا من كانيولا بينك??‍♀️

      يا تري ده حصل ازاي!؟

      ما تيجو نشوف?❤️

      ——————————————————————————————-

      انا منال عندي ١٧ سنه?

      من ١٧ سنه وكام يوم يوم ٢٠/٣ جيت الدنيا

      بس مش عادي كده*بصو مفيش حاجه في كل الي هتقراوه ده هتحصل عادي*??

      اتولدت في اخر الشهر السادس بنقص اكسجين وكل الناس كانت مقتنعه اني مش هعيش لتاني يوم بس فاجئتهم??

      المهم بعد حوالي سنه اكتشفنا ان نقص الاكسجين الي عندي ده اثر علي جزء من مركز الحركه في المخ الي هو الجزء المسؤل عن المشي

      ومن ساعتها وانا بعمل علاج طبيعي وعمليات وليله كبيره اوي سعادتك

      ويعني الحمد لله اهلي عمرهم ما عرفو يجيبولي دكتور علاج طبيعي واحد عرفت احبه?

      كلهم كانو بيتعاملو معايا بقله زوق وضرب وتهزيق كان الاطفال دول يعني مش بيحسو

      وانا بصراحه لا اسمح لحد يتعامل معايا كده حتي لو علشان مصلحتي??‍♀️

      فضلت كل شويه اغير الدكتور لحد ما زهقت وتعبت من حياتي وجاتلي عقده وانا عندي ٨ سنين وبطلت علاج خالصصص

      بعد ٤ سنين من الاشيئ في رحلتي بسبب دكاتره العلاج الطبيعي وانا عندي ١٢ سنه دكتوزي قرر اننا لازم نعمل عمليه جديده

      العمليه الي غيرت حياتي تماما

      عمليه بدات بنفس عميق و كانيولا بينك وانتهت بالعيد❤️

      ———————————————————————

      اختصارا للوقت والتفاصيل يوم ١٠/٨/٢٠١٧ كان يوم العمليه الي اعتبرتها بدات لما طلبو مني اخد نفس عميق علشان يركبولي كانيولا

      كان لونها بينك انا لسه حتي فاكره اللون كانت مميزه!

      كل حاجه في اليوم ده كانت مميزه حتي انا كنت مرتاحه ومبسوطه ولا كاني رايحه العب مش رايحه اعمل عمليه كاني كنت عارفه اني بعد شويه بسبب اليوم ده حياتي هتتغير

      وبعد تحديات وتعب كتير اوي طول رحله العمليه دي اخيرا فكيت الجبس

      وبدات من تاااني اكون مضطره ادور علي دكتور علاج

      حقيقي في الوقت ده كنت بعد اكلم نفسي بليل واقولها طب هنعمل ايه ماهو لازم وانت الخيالات الي فدماغك دي مش موجوده في اي دكتور معلش هنجيبه لحد ما نرجع نمشي بس ونمشيه??

      لحد ما جت اللحظه الحاسمه

      اللحظه الي قابلت فيها الدكتور الجديد

      احمد عيد❤️

      وكان العيد فعلا والله

      اخيرا لقيت دكتور فاهم شغله ومتفهم انا بحس بايه وهو بيعمل شغله*وده اهم كتير علي فكره*عنده ثقافه التشجيع الي اهم من حجات كتير اوي وحقيقي كان اكبر داعم ليا في الفتره دي?

      من ساعتها لحد النهارده انا عمري ما نسيت دكتور احمد ووجهه نظري اتغيرت تماما من واحده بتكره العلاج الطبيعي وسيرته واي حاجه متعلقه بيه لواحده كل تفكيرها انو ايه مبقاش انا دكتور احمد في حياه الاطفال واغير تفكيرهم عن العلاج الطبيعي واخليهم يحبو العلاج ويعتبروه لعبه وعمرهم ما يتعقدو ويبطلو

      وحاليا اكبر احلامي هي اني ادخل كليه علاج طبيعي❤️?

      ——————————————

      وده باقي القصه الي بتمني يحصل رغم انف نظام الثانويه الجديد??*من وحي خيال الكاتب?❤️*

      و انا دلوقتي عندي ٢٩ سنه وعندي اكبر مركز علاج طبيعي في بورسعيد وبحضر افتح فرع تاني في القاهره

      الاطفال هنا مبسوطه اوي وبيجبو يجو الجلسات جدا وانا ببقي مبسوطه لما اشوفهم مبسوطين

      احنا هنا كل هدفنا نخلي الطفل مبسوط وهو بيلعب وواهل الطفل مبسوطين وهو بيتعالج

      الاطفال صحاب مش طواجن???❤️

      —————————————

      تفتكرو هحقق الكلام ده في يوم!؟

Viewing 0 reply threads
الرد: Manal
المعلومات الخاصة بك:

إلغاء
Start of Discussion
0 من 0 منشورات حزيران / يونيه 2018
الآن