شاركي قصتك
تحديث قبل سنتين، 6 أشهر 3 الأعضاء · 5
منشورات 
قصتي قوة بعد الضعيف الإيمان بذات إيماني بنفسي اني هقدر ع كل شي مادام بتنفس وعايشة قصتي بدت من أولي اعدادي كنت متفوقة في دراستي ولكن شاء القدر واتعب ومقدرش امشي تاني ولا اتحركت تاني وقعدت علي كرسي متحرك كانت نظرة المجتمع صعب اوي اوي كان ابتلاء وتحدي كبير عليا وانا صغيرة كانت كل الناس تنظر ليا اني حمل كبير علي اهلي واني من الأفضل اني مكملش تعليمي عشان متعبش حد من اللي حواليا ولكن امي بطلة حياتي وفقت في وش الكل وقالت أنا لو هوديها بنفسي واجيبها من المدرسة مش هقدر معها زي اخواتها ولازم تكملي تعليمها وكانت بتودني وتجيبني من المدرسة في عز انها كانت بتشتغل وشغلها متعب اوي بس مكنتش بتحسسني بكدة كانت واقفة في ضهري وكانت بتدعمني دايما اكمل والتحدي الكل كنت شايفة في عينها نفسي كانت مؤمنة اني لو امنت بنفسي وقدراتي هقدر أواجه كل الصعاب اللي وفقت في حياتي والحمدلله خلصت فترة الإعدادية ودخلت الثانوية وابتديت اتحدي نفسي اني هقدر امشي تاني والحمدلله بفضل ربنا ودعوات امي قدرت أمشي تاني ودخلت الكلية دار العلوم جامعه القاهره وكنت بروح واجي لوحده من غير مااحتاج أسند علي اي حد بقيت امشي لوحدي بشكر امي لانها امنت فيا واني هقدر اتحدي اي حاجة والحمدلله اتخرجت واشتغلت بعد التخرج واتجوزت ورزقني الله بثلاث اولادي ربنا يحفظهم ليا لو كنت سمعت لناس مكنتش وصلت لكل اللي انا فيه دلوقتي وبقيت ناجحة مهما تظهر عقوبات في حياتنا تحطبتنا نقدر نتحدها ونكمل..
انتى تستاهلي كل خير ربنا يكرمك ويعوضك دايما ويخليلك اولادك
يارب?
بالتوفيق ♥️
يارب
Viewing 2 reply threads