الرئيسية المنتديات شاركي قصتك قصة لم تروى من قبل(فريدة زماني)(وتحكى لتعاش)

  • شاركي قصتك

    Afaf تحديث قبل 3 سنوات 1 الأعضاء · 1 مشاركة
    • Afaf

      مشارك
      25 مارس، 2021 الساعة 1:02 ص

      امتى دي تحديدا عمري ما أنساها هي وقت ما انكسرت واترفضت في الوظيفة اللي بحلم بيها من صغري، اللي عشانها ضاعت سنين الجامعه معشتهاش خروجات وفسح لأ كنت استاذه دحيحه وبس، كانت صدمه كبيره بس فوقتني، خلتني اكتشف ان عندي موهبة الكتابة وخيالي خصب، بدأت من الصفر مع نفسي في مجال الكتابة والبحث عن نشر الروايات ورقي ونشرت، كنت بشتغل سنه كامله وبمرتب ضئيل جداً وشغل مرهق جدا علشان اوفر تمن طباعة اول عمل ليا ونجحت في ده، والحمد لله نشرت التانيه والتالته مجانا والرابع كان كتاب تنمية بشرية، رواياتي دائما بتحمل رسائل للفتيات، دائما شعور عندي إني مسؤولة عن كل بنت، بتمنى كتاباتي توصل حتى لبنت وحده تستفاد منها، تغيرها، تداوي جرحها،تواسيها، تساعدها تتغير وتنجح بكده هكون فعلا نجحت، انا ما نفسي اي بنت تعيش اللي انا عشته من لحظات ضعف وجرح وأذى ومحاربة الصعيد وجهل الناس اللي فيه، لكن نفسي كل بنت تعيش القوة اللي فيا تخلق في روحها قوة اكتر من اللي عندي وتنجح زيي، نجحت اكون كاتبة واكون معلمة محبوبة رغم صغر سني، لكن الحمد لله كانوا اهلي بيخلوني مسمعش اللي بيتقال عني ولا اشوف الأذى في عيون اللي حواليا، في يوم والدتي قالتلي ممكن تكتبي قصة حياتك في كتاب وهتكسر الدنيا لأن حياتك غريبة ومحدش عاشها من قبل، صدقت كلامها لأنها بطلة حياتي من غيرها مكنتش هتعلم ولا أوصل ولا حتى اتونس في وحدتي، انا يمكن فقدت لأجل طيبتي كل الحلو اللي ممكن يكون في حياة حد، نفسي بكره اكون أفضل من النهاردة، بصارع كلام كتير أن ما تزوجت وقاربت من سن العنوسة فنظرهم، انا هثبتلهم أن الزواج مش كل حاجه، انا اه متجوزتش لكن ألفت كتاب لتعامل الزوجين ولأجل حياة كريمة علشان الأبناء، انا بشتغل مدرسة وبكمل ماجستير، ايوه كتير بيحبطني كلامهم بس الحمد لله أن ربنا معايا وسندي، لامست حنان ربنا في كل لحظات حرجه مرعبة، في تفاصيل في حياتي متنحكيش لقسوتها، حتى الحب كسرني بطريقة بشعة للغاية، كنت نور وسط ضلمة دائماً لكل اللي حواليا، قالوا لأني مش رشيقه متزوجتش خسيت وبقيت احسن حد يعطي نصائح عن الدايت والأكل الصحي، لكن رشاقتي برضو كذبتهم وعرفتني مكنش جسمي سبب تأخر زواجي، أنشأت قناة على اليوتيوب وهنشر فيها قصص مصورة من كتاباتي وتأليفي رسالتي كل بنت تحب نفسها زي ما هي ، تتقبل نفسها علشان بجد تعرف تنجح.. نسيت اقولكوا سني سته وعشرين سنه ومن قرية بشعة الفكر، طلعت في برنامج تليفزيوني وقصتي الفائزة بالمركز الثاني في مسابقه نجم الصعيد هتعرض في رمضان على الراديو بإذن الله.. بفرح جدا أن بنات قريتي بدأوا يقرأوا وكمان روايتي بفرح لما يقولولي جميله استفادنا.. ببقى عاوزه اقولهم انا هنا علشانكم موجودة رغم ظروفي الصعبة السيئة علشانكم رغم كل الآلام اللي ساكناني وأحلامي اللي تحطمت، أنا مش هبله انا بحاول اكون شئ جميل في زمن بشع، بمشي أطيب قلوب البنات واطبطب على أوضاعهم برفق ولين، انا هزمت مجتمع كامل وظهرت للنور وهكمل بإذن الله لحد ما تنحكي قصتي في مسلسل قدام الدنيا كلها، لن أبرح حتى أبلغ واحكي قصتي بكل فخر بمزيد من النجاحات بإذن الله.

      #عِفّه?

Viewing 0 reply threads
الرد: Afaf
المعلومات الخاصة بك:

إلغاء
Start of Discussion
0 من 0 منشورات حزيران / يونيه 2018
الآن