شاركي قصتك
تحديث قبل 3 سنوات، 7 أشهر 1 الأعضاء · 1
مشاركة 
كانت صغيره في السن بس طموحها كبير
شاطرة و ذكية
جالها فارس الاحلام خطفها و طار بيها على بلد بعيد
ملهاش فيها لا صاحب و لا قريب
عاشت معاه ٢٢ سنة
حياة عادية بين شد و جذب المتجوزين
و فجأة ازمات صحية كتير
مستشفيات و عمليات و كوارث
و بعدها مات الفارس
شالت الأحلام ، و الاربع عيال على كتفها
اكبر واحد فيهم ملحقش حتى يشتغل
و الصغيرين كانوا لسه فالاعدادية
راتب ضعيف
و مسؤوليات كتير
و عيال في مدارس
.
.
و غُربة
عافرت لوحدها و رفضت الخسارة و الضعف
سدت ودنها عن اللي قالها
“هاتي عيالك و ارجعي”
“ارضي بالقليل و بلاش تطمعي”
صلبت طولها و شدت على ايدها بنفسها
و كأنها اتقسمت لاتنين
واحده ضعيفه مكسورة مستخبيه جواها
و واحدة قوية قررت تتحمل و تكمل المشوار
رغم ملامحها الجامدة القوية بس ضعفها و تعبها من شيل المسؤولية كان بيظهر اوقات كتير
مبيشوفوش الا القريبين منها
و دول كانوا قليلين
كانت مُدرسة صغيرة في مَدرسة صغيرة
بس عشان هي (طموحها كبير و شاطرة و ذكية)
بقت مديرة أكبر شركة في مجالها (مع انها جنسية غريبة عن البلد)
كبرت جدا في مجال شغلها
و كان بيجلها عروض كتير و الشركات بقت بتتنافس عشان تشتغل معاهم
بدأت تحس انها واقفه على أرض صلبة
دعوات أمها كانت بتوصلها حتى بعد ما اتوفت
أمها اللي قالتلها احلمي و اتمنى بكرة حلمك هيكون حقيقة
ولادها كبروا و اتخرجوا و اشتغلوا و اتجوزوا
كل ده تحت جناحها هي بس
محدش ساعدها غير نفسها
كانت غريبة في بلد غريبة بس عافرت من الصفر و مقبلتش انها تنسحب الا وهي واقفه على القمة ?
Viewing 0 reply threads