الرئيسية المنتديات شاركي قصتك عن سن المراهقه

  • شاركي قصتك

    Esraa تحديث قبل سنة، 8 أشهر 1 الأعضاء · 1 مشاركة
    • Esraa

      مشارك
      1 أبريل، 2021 الساعة 12:21 م

      انا اسراء 19 سنه يمكن لسه متخططش مرحله المراهقه بالكامل بس اقدر اتكلم عن تجربتي في سني ده خصوصا أن مرحله المراهقه بتكون صعبه من تكوين شخصيه وحاجات تانيه كتير من تجارب و ضغوطات بنمر بيها واقدر أقول إن كلنا بنمر في الفتره دي بضغط وحاجات كبيره جدا قدرت افهم ده من القاعده مع اللي في سني وأصغر واكبر شويه المرحله غريبه لأبعد درجه بتبتدي تكتشف كل يوم حاجه عن نفسك بتبني توقعات كبيره حقيقي خصوصا في مجتمعنا ده احنا محتاجين دعم اكتر لسن ده أنا اسراء ماما متوفيه من وانا صغيره وبابا مدرس في بلد تاني وعايشه مع مرات ابويا واختي عند اهل ماما لأنها في جامعه واخويا ولد وأصغر مني زي اي ولد اغلب الوقت مش في البيت يمكن اكتر شعور كان مسيطر عليا هي شعوري بالوحده خصوصا أن لوحدي ومفيش حد كبير مهتم ولا بيوجهني كانت في أيام بتمر عليا مش فاهمه ازاي حتي اتعمل مع الناس قدرت اكون اب وأم لنفسي وافهم نفسي الصح من الغلط خصوصا في سني ده يمكن عملت حاجات غلط بس هي علمتني حاجات وعرفت انتشل نفسي منها من غير ما أغوص فيها كتير عرفت يعني اي صلاه لوحدي وبدأت اول خطوه أن ابتدي اصلي كان ساعاتها سني 17 اول اقل شويه وحالياا انا ملتزمه بالصلاه بعدت عن صحابي بلا استثناء مكنتش عارفه اتكلم واتعمل مع الناس يمكن من قلت اهتمام اهلي و وفاة امي رحمها الله في الفتره كانت حياه علي تطبيق انستجرام اكتشفت ناس حقيقي جميل يمكن في عصرنا ده اكتر عصر بننصح نقلل السوشيال ميديا في انا قدرت الاقي نفسي منها تابعت ناس في الصحه النفسيه وتطوير الذات والرياضه قدرت الاقي شغفي في القراءة لما شخص عزيز بالنسبالي نصح بقراءه كتاب معين ابتديت أقر كتب في كتب ابديت العب رياضه ابديت امارس اليوجا ابتديت الاقي اهتمامات كتير وان مهتمه جدا بالصحه النفسيه ابديت اعرف ان مين ومحتاجه اي في سن بيكون صعب جدا في عصرنا ده عصر التيك توك للمراهقين دخلت تمريض وابتديت اشتغل وانا بدرس في تمريض حاليا انا في أحسن عياده اسنان في بلدي يمكن النصيحه الواحده اللي اقدر اقولها لاي مراهق كان نفسي حد يقولها لي بدري انك مش لوحدك اللي بتعاني من ضغوطات مش لوحدك اللي بيجيلك نوبات اكتئاب انتشل نفسك من كل ده واقاعد مع نفسك كتير في الفتره دي اكتر من اي حد هتقدر تلاقي نفسك ..♥️♥️♥️

Viewing 0 reply threads
الرد: Esraa
المعلومات الخاصة بك:

إلغاء
Start of Discussion
0 من 0 منشورات حزيران / يونيه 2018
الآن