• شاركي قصتك

    Randa تحديث قبل سنة، 8 أشهر 1 الأعضاء · 1 مشاركة
    • Randa

      مشارك
      17 مارس، 2021 الساعة 2:17 م

      عايزة أشكر نايب الجراحة السنيور اللي كتب في شكوى زور وألّف فيها قصة مريضة وهمية بالتذكرة بتاعتها برقمها، بأعراضها، بالمضاعفات اللي حصلت لما أنا قصرت في آداء واجبي !! (رغم إن دكتور الإمتياز دوره محدود جدا واللي في الفيلد عارف) والنايب الجونيور اللي مضى عليها بإذعان والأستاذ الدكتور اللي مضى عليها من غير ما يتقصى حقايق !!

      كل دا عشان إفتكر إني مشيت ربع ساعة قبل الشيفت بتاعي ودا محصلش ! وأنا كنت تحت بجيبله المعامل اللي هي مش دوري أصلا وهو قرر إن الموضوع يضايقة معرفش ليه ! فقرروا يكدروني ويذلوني وأنا بمضي اللوج بوك عشان عارفين إن ليا نيابة جامعة وهخاف عليها !!!

      أنا نفسي فعلا الرسالة دي توصل لنايب سينيور جراحة وحدة د. مرعي نوفمبر ٢٠١٤ بالأسم ؛ أنا معرفش دلوقت صفته إيه .. والنواب الجونيور وقتها !

      …وفاكرة كويس يوم ما المحقق قاللي أنا مصدقك نصيحتي لو عايزة تكملي في التحقيق براحتك بس هما هيجيبولك ورق من تحت الأرض ، الورق دا لعبتهم.. فاكرة لما قاللي أنت زي بنتي أحسن لك مشّي أمورك !!

      وفاكرة كويس يوم ما عيطت قدام النايب وهو بيمضيلي اللوج بوك مش عشان حاجة قد ما عشان إن نفسي صعبت عليا !

      أنا فعلا مسامحة وممنونة جدا عشان الظلم اللي وقع عليا بسببك كان سبب مهم مالأسباب اللي خلتني هنا دلوقت..! هبتدي نيابتي هنا في University of Central Florida/Ocala

      شكرا عشان كرهتني في نفسي وخلتني أذاكر أكتر وأمشي !

      #الضربة_اللي_ما_بتكسرش_بتقوي !

      #جمال_عوضا_عن_الرمادDd

Viewing 0 reply threads
الرد: Randa
المعلومات الخاصة بك:

إلغاء
Start of Discussion
0 من 0 منشورات حزيران / يونيه 2018
الآن