• شاركي قصتك

    Mona تحديث قبل سنة، 8 أشهر 1 الأعضاء · 1 مشاركة
    • Mona

      مشارك
      20 مارس، 2021 الساعة 8:53 م

      قصتي تبتدي من وانا طفلة عندها ١٢ سنة لاب عنده ٧٠ سنة وكانت هيه اللي شايلاه اكل وشرب وكل حاجة بحكم ان امي كانت مريضة سكر فكانت معظم ايامها محجوزه في المستشفي لحد ماابويا مات وانا في نفس السن وكملت ودخلت الجامعة كانت امي جامدة معايا بحكم انها الاب والام ويوم ماابتدينا نقرب من بعض ونكون اصحاب هيه كمان اتوفت وانا في تانيه جامعه اشتغلت وفضلت اعافر في الجامعة لحد مااتخرجت بعد ٧ سنين بس اتخرجت واتجوزت بعد تخرجي بحوالي سنه انا كمان جالي سكر وانا عمري ٢٠ سنة وكان موضوع اني اخلف صعب وعملت عملية وربنا رزقني بطفلين تؤام هما كل حياتي وحياتي شويه كانت مستقرة الا ان القدر يلعب معايا تاني وحياتي استقرارها يقل لكثرة ديون جوزي قررت اني اكمل دراسات عليا واخدت دبلومه ولسه يدوب بفرح يلعب القدر تاني معايا وجوزي يتوفي في حادثه مؤلمه ويسيبلي طفلين توام سنتين ونص تعبت جدا الا اني تعافيت بعد تقريبا سنة من العلاج النفسي وقررت اني اقف علي رجلي تاني وكملت دراستي اخدت دبلومتين كمان ونزلت اشتغلت في بوزيشن كويس وحاليا في ماجيستير وماحدش يصدق ان الفاشلة اللي كانت في حقوق بيتقال ليها يادكتور دلوقتي اصل كملت دراسات عليا في التربية الخاصة واشتغلت وابتديت حياتي تستقر بيا وبولادي القدر يسيبني علي كده…. لا… فجأه وبدون مقدمات جالي كانسر ثدي بس الحمد لله من رحمة ربما بيا انه يكون مرحلة اولي والحمد لله انا في طريقي للتعافي في ظل كل ده كان في شخص في حياتي ولما عرف طبعا ان جالي كانسر اختفي وظهر لما ابتديت اتعافي بس بعد ماكان طالب يتجوزني قدام الناس بقي طالب مني يتجوزني في السر علشان اهله مش هيوافقوا يتجوز واحدة ارملة ومعاها طفلين فاانا اتجوزك في السر وارضي اهلي الا اني ولله الحمد عارفة قدر نفسي كويس وقفت علي رجلي تاني ولغيته من حياتي تماما وتغلبت عليه زي مااتغلبت علي كل الصدمات اللي قابلتها بالعكس التجربة دي علمتني اقوي اكتر علمتني اعرف اقول لا لاني ماكنتش بعرف اقولها بقيت واحدة جديده فعلا وحاليا انا مستقره مع ولادي وفي شغلي ودراستي وقريب جدا هناقش الرسالة بتاعتي وفعلا بقيت واحدة جديدة بشهادة الجميع

Viewing 0 reply threads
الرد: Mona
المعلومات الخاصة بك:

إلغاء
Start of Discussion
0 من 0 منشورات حزيران / يونيه 2018
الآن