• شاركي قصتك

    غير معروف تحديث قبل سنة، 8 أشهر 1 الأعضاء · 1 مشاركة
    • غير معروف

      غير نشط
      28 مارس، 2021 الساعة 5:27 م

      متردده جدا أني أشارك القصة دي بس يمكن ناس غيري يتعلمو منها حاجه و ياخدو حذرهم و بجد آسفه لو هطول

      أنا اسمي رنا .. بغض النظر عن مجالي و تخصصي بس كنت بطلع من أوائل الدفعة دايما في الجامعة و في السنة الأخيرة ليا للأسف و هي السنة الأهم عشان مشاريع التخرج و الذي منه .

      للأسف في مجموعة من دفعتي معرفهمش شخصيا لكن واحده منهم كانت مشهوره في الدفعه لاشتراكها في أنشطة كتيره متعلقه بإتحاد الطلبة و بالتالي كانت مصدر ثقه ليا .

      جت اتكلمت معايا و طلبت مني انها تدخل معايا جميع المشاريع ( مكنش لسه في مشروع تخرج )

      و أنا وافقت .. حبه بحبه طلبت مني تدخل باقي الشله و صحابها و معارفها و كنت بوافق للأسف منغير ما أعرف أي حد فيهم ولا سطحيا حتى لأني كنت في حالي دايما و مبختلطش بحد و ابعد ما يكون عن الاجتماعيه او زي ما بيسموني إنطوائيه

      المهم بعد ما دخلتها كل المشاريع كان دايما أفكار الجروب بتترفض من الدكاترة بحكم إنها تقليديه أو مش مناسبه .. لما كنت بقدم فكرة كانت بتتقبل علطول ودا سبب نوع من الغيرة أكيد كانت بتظهر بشكل واضح و صريح الا اني كنت بتجاهل اي حاجه قصاد أني أخلص المشاريع و مدخلش في اي مشاكل

      لكن للأسف الشديد بعد فترة لقيت في معامله غريبه جدا و بدأوا يستثنوني من الصورة تماما و حسيت ان في حاجه غلط بتحصل لحد ما فعلا جه اليوم الي قالولي فيه مش هتاخدي ولا مشروع منهم مهما عملتي احنا الاكتريه وانتي واحده بس محدش هيصدقك و قد كان ، للأسف كانو دخلو مشروع التخرج في الفترة دي معايا برضو مع انهم كانو في جروب تاني لكن جم اترجوني اوافق انهم يدخلو معايا لان مستقبلهم هيضيع و كانو بيعيطو بالدموع و برغم ان الفيلم كان خلصان تماما و متبقاش غير التصوير ، يؤسفني أقول انهم جابو واسطه كبيره من بره الجامعة و دخلو بالغصب بعد ما رئيسة القسم رفضت أكتر من مره

      ، مشروع تخرجي اتسرق مع باقي المشاريع و حسيت للحظه ان مستقبلي كله ضاع و فعلا عددهم الكبير مع الواسطة مع حجات تانيه خلى الدكاتره يقفو ضدي تماما و هجوم مش طبيعي لدرجة ان لو دكتور واقف في صفي كان دكتور تاني يكلمه اني خط أحمر ، حسيت للحظه أني غير مرغوب فيا من المكان كله و للأسف كنت بمر بمشاكل تانيه و فكرت في الإنتحار و بجد مكنش عندي أي طريقه تانيه اقدر احل بيها مشاكلي كنت جربت كل الطرق .

      معرفش ازاي انا عديت من الفترة و معرفش ازاي ذاكرت و طلعت الاولى على القسم ف نفس التوقيت

      محدش بلغني اني الاولى انا عرفت ف حفلة التخرج وانا بتكرم ودا سببلي موقف محرج طبعا

      انا حزينه جدا حتى في حفلة تخرجي حاولو يمنعو تكريمي لأني كنت بدأت اواجههم بالسرقة كنت حاسه اني مستثناه من كل حاجه حتى جريدة الجامعة نزلت لكل الطلبه الاوائل في كل الاقسام خبر و نزلت لغير الأوائل كمان الا أنا و طبعا طبعا رفضو تعييني في الجامعة لأسباب غريبه و دا شيء متوقع

      اتعلمت من الموقف دا اني أوثق الافكار و السيناريوهات قانونيا و مش أي حد أوافق ادخل معاه شغل او مشروع حتى لو كان ظاهريا موثوق فيه انا بقالي سنتين متخرجه و تفاصيل المواقف دي مبتروحش من بالي و مسببالي أزمة جامده طبعا في تفاصيل كتيره جدا مش هقدر احكيها عشان متسببش مشاكل او عشان الكلام في الموضوع دا في حد ذاته بيحط ملح على جرحي …

      طبعا في الترم دا و ف وقت مشاكلي معاهم كانو بيقصدوا يتنمروا عليا بكل الطرق ، للأسف انا الجهد الي بذلته في المشروع راح هدر لاني مش من القاهرة و كنت بسافر عشان احضر اجتماعات المشروع معاهم و برجع بيتي الفجر مع العلم ان الاجتماعات دي مكانوش بيتكلمو فيها عن الشغل و كنت بتحمل مصاريف فوق طاقتي عشان احضر معاهم مع العلم ان ظروفنا الماديه في الوقت دا مكنتش أحسن حاجه .

      معلومه : فيلم مشروع التخرج دلوقتي متسجل قانونيا بإسم واحد من الي سرقوه بالرغم من اني صاحبة الفكرة و السيناريو

Viewing 0 reply threads
الرد: غير معروف
المعلومات الخاصة بك:

إلغاء
Start of Discussion
0 من 0 منشورات حزيران / يونيه 2018
الآن