الرئيسية المنتديات شاركي قصتك مجتمع آمن لذوي الهمم

  • شاركي قصتك

    Haidy تحديث قبل سنة، 8 أشهر 1 الأعضاء · 1 مشاركة
    • Haidy

      مشارك
      25 مارس، 2021 الساعة 4:48 ص

      انا هايدي كارم. اتخرجت من كلية صيدلة جامعة القاهرة في ٢٠١٠ و اتجوزت في نفس السنه و بعدها بسنه رُزقت بابني ” علي ” اللي تم تشخيصه بمتلازمة داون وقت الولادة و لكن الطبيب اختار انه يخبي عني لاني وقتها كان عندي ٢٢ سنه وخاف اني ارفض الطفل لصغر سني

      عرفت ان علي ابني متلازمة داون بعد ما تم ٩ شهور و عرفت معاه معني الحب الغير المشروط و التقبل. عرفت يعني ايه اساعد طفل عشان يطلع احسن ما عنده مش عشان يحقق اللي انا عايزاه منه

      صدمة كبيرة و احساس بالخوف و الرعب اني مش هقدر اساعده ده غير ان المعلومات الصحيحة و العلمية غير متوفرة باللغةالعربية و قليل جداً باللغة الانجليزية

      بدأت رحلتي مع علي في تدخل مبكر و تدخلات طبيه و غيره بس للاسف كان دائما في حاجه ناقصة و كان عندي رغبه انياخليه احسن و احسن بس مش عارفة ازاي مع وجود ضغط من المجتمع ان وجود ابني شئ غريب و مش عادي عشان هو مُختلف

      بدأت اذاكر و اخد دورات في التدخل المبكر لان العلم اللي كان قدامي مكنش كاف بالنسبه ليه . بعدها بقيت الاقي متعتيفي الرد علي اسأله الامهات في مجموعات الدعم الاسري من خلال دراستي و تجربتي مع ابني و احساسي اني سهلت عليام حياتها و وفرت ليها المعلومة المفيدة و التجربة الحقيقة

      تطوعت في مؤسسه زيي زيك لخدمة و تمكين ذوي الاعاقة لمدة ٣ سنوات و في خلال السنين دي عليّ بدأ يتطور بشكل ملحوظو بقي قادر انه يتكلم و يتعلم و دخل مدرسة عادية و لكن تأتي الرياح بما لا تشتهي السُفن، بدون اي سابق انذار توفيزوجي اللي كان اكبر داعم ليه و كان لازم ننقل محل السكن و علي يروح مدرسة تانيه و نبدأ في مكان جديد

      الصدمة كانت قويه عليه و علي ولادي الاثنين علي و ليليا لكن دائما اقدار ربنا فيها الخير و بسبب نقل محل سكني و تفرغيللاولاد بدأت العمل مع مؤسسه زيي زيك بشكل حقيقي في دعم الاسر و وضع خطط تدخل مبكر للاطفال من ذوي ملازمةداون لحد ٢٠٢٠ و حاليا رجعت تاني متطوعة معاهم

      كملت دراسات مختلفة في تطوير النمو العصبي و و قدرات الاطفال من ذوي الهمم و بدأت في كتابة بعض المقالات في مجلية نون الالكترونية و اليوم السابع باب مشاركة القراء في محاوله لنشر الوعي عن ذوي الهمم

      من سنتين قدمت علي منحة لدراسة الماجستير في تطوير التعليم في المدارس للاطفال و لذوي الهمم بدعم من ال UNICAF و اتقبلت و حاليا بدرس فيها

      من سنه بالظبط قررت اني اوسع دائرة الدعم للامهات و انشأت جروب و صفحة علي الفيسبوك باسم bond by haidy Karem لدعم الاسر . الصفحة غير هادفة للربح و مش بنقبل اي تبرعات . هدفنا الاساسي هو توفير المعلومة الصحيحةعشان نسهل حياة الامهات و الهدف الثاني هو تحقيق الدمج بشكل صحيح

      عشان كده وفرنا للامهات معلومات عن مقدمي الخدمات زي المدارس الدامجة / الحضانات الدامجة / المراكز الخاصةبالاطفال / اماكن بتوفر منتجات غذائية صحية / اطباء متخصصين في مجال ذوي الاعاقة

      كمان بدأنا نعمل محاضرات توعوية عن اهمية الدمج / التحرش الجنسي / مشاكل البلوغ لدي ذوي الهمم

      و بنعمل ورش عمل مختلفة لدمج ولادنا و تعليمهم انشطة حقيقة برة الاطار المألوف ف عملنا ليهم ورش تصوير / دوبلاج / تصنيع العاب . يمكن الحاجات دي تبان غريبة و صعبة علي ولادنا لكن حقيقي الولاد بتبهرنا كل مرة

      حاليا بدرس دبلومة ارشاد اسري عشان اقدر اساعد الامهات علي المستوي النفسي بجانب الدعم الخاص بالمعلومات والتدخل المبكر و لسه بكمل دراسات في التدخل المبكر

      احنا لسه مكملين و كأم لطفل من ذوي متلازمة داون هدفي الاساسي ان الدنيا تكون مكان آمن لولادنا من ذوي الهمم و يكونحقهم في الدمج المجتمعي و التعليمي و الفرص الحقيقة موجود عشان كده عملنا مبادرة باسم ( عايزك تشوفها عادي ) عشان ندعو الناس تشوف وجود ولادنا عادي في المجتمع

      كما ينص القانون

      https://www.facebook.com/groups/488469328742461/?ref=share

      https://www.facebook.com/Bond-By-Haidy-Karem-107433240829532/

      دي بعض الصور لورش العمل اللي عملناها و كلها مدونه علي صفحتنا

      • هذا الموضوع تم تعديله في قبل سنة، 8 أشهر بواسطة Haidy.
Viewing 0 reply threads
الرد: Haidy
المعلومات الخاصة بك:

إلغاء
Start of Discussion
0 من 0 منشورات حزيران / يونيه 2018
الآن